Popular Bible Verses from Jaku-dalam 22

Share

Ajar anak mit jalai idup, nya baru sida deka ingatka ajar nya seumur idup.

Upah orang ke baruh ati sereta nangika TUHAN nya pengaya, basa enggau umur ti panjai.

Pilih pemanah nama, ukai milih pengaya, lalu pilih pengasih, ukai milih pirak enggau emas.

Anang bepangan enggau orang ke lengkar sereta mangah

Orang ke gerah mudah magi pemakai sida enggau orang ke seranta, deka bulih berekat.

Orang ke nemu berunding deka meda penusah datai, lalu belalai; tang orang ke enda berunding deka terus bejalai lalu tetempuhka penusah nya, lalu merinsa ketegal nya.

Orang ke seranta nyadi ulun orang ke kaya. Enti nuan nginjau duit, nuan nyadi ulun orang ke nyali nuan duit nya.

Orang ke kaya enggau orang ke seranta endang sebaka: seduai iya sama digaga TUHAN.

Anang ngambi ulih ba orang ke seranta, ketegal iya seranta, tauka ngambi ulih ba orang ke nadai daya dalam kot, laban TUHAN deka bejaku ngarika sida, lalu deka ngambi nyawa orang ke nguji ngambi nyawa sida.