Popular Bible Verses from Jaku-dalam 19

Share

Mensia nyangka bekiraka mayuh macham pelan, tang semina peneka TUHAN aja deka nyadi.

Lebuh nuan meri utai ngagai orang ke seranta, nuan baka ke nyali utai ngagai TUHAN, lalu TUHAN deka mayar nuan.

Enti nuan orang ke mereti, nuan deka nagang diri lengkar. Lebuh orang ngereja utai ti salah ngagai nuan, nuan deka dipuji orang enti nuan enda bedulika penyalah nya.

Pendingka jaku lalau, lalu terima jaku ajar, ngambika nuan bulih penemu-dalam kena nuan idup jemah ila.

Enti nuan nangika TUHAN, nuan deka panjai umur, idup puas ati sereta nadai kena laban utai ti tau ngemedis.

Kasihka diri empu lalu belajar enggau naka ulih. Udah nya kingatka utai ti dipelajarka nuan. Nya baru nuan deka nyadi kaya-raja.

Disiplin anak nuan lebuh sida agi biak lalu udah nemu meretika utai. Enti nuan enda, nuan nulung sida ngerusak diri empu.

Nadai orang ke bula dalam kot ulih nyeliahka ukum. Iya nadai penyadi agi.