Popular Bible Verses from Matthew 10

Share

“Aku ngasuh kita bejalai baka bedus ngagai raban ukui kampung. Nya alai kita enda tau enda pintar baka ular, sereta nelap baka burung achang.

Orang ke ngidupka nyawa diri, deka ngelenyauka iya, lalu orang ke ngelenyauka nyawa diri ketegal Aku, deka ngidupka iya.

Anang takutka sida ke munuh tubuh, tang enda ulih munuh semengat. Tang kita patut nangika Allah Taala ti ulih ngerusak tubuh enggau semengat kita di neraka.

Lalu orang ke enda ngesan regang diri empu lalu nitihka Aku, enda tau nyadi murid Aku.

“Nya alai genap iku orang ke ngaku diri nembiak Aku di mua orang, deka diaku Aku di mua Apai Aku di serega. Tang barang sapa besangkalka Aku di mua orang, deka disangkalka Aku di mua Apai Aku di serega.

Geraika orang ke sakit, angkatka orang ke mati pulai idup baru, geraika orang ke sakit lan, buru antu. Kita udah nerima ngena chara pechuma, nya alai beri ngena chara pechuma.

Nya alai, anang takut. Kita berega agi ari burung pipit!

“Anang ngumbai Aku datai mai pemaik ngagai dunya. Aku ukai datai mai pemaik, tang mai pedang.