Popular Bible Verses from Josua 10

Share

Mata panas lalu enda nginsit, lalu bulan enda mindah nyentuk ngagai maya orang Israel udah malas munsuh sida. Pekara tu bisi ditulis dalam Bup Jasar. Mata panas lalu enda nginsit ari kebung langit, lalu enda padam sehari penuh.

Ba hari TUHAN nyerahka orang Amor ngagai jari orang Israel, Josua bejaku ngagai TUHAN; lalu ku iya bejaku di mua orang Israel, “Mata panas, anang nginsit ari atas Gibeon. Bulan, ngetu nuan ba atas Emperan Aijalon.”

Nadai hari udah kala baka nya, sebedau tauka udah lepas nya, alai Allah Taala ngasika jaku mensia; laban TUHAN Empu ke beperang ngarika orang Israel!

Ku TUHAN bejaku ngagai Josua, “Anang takutka sida, laban Aku udah nyerahka sida ngagai nuan. Nadai siku sida tan ngelaban nuan.”

Udah nya Josua lalu bejaku ngagai bala pemesai nya, “Anang takut tauka lemi semengat; kita enda tau enda kering sereta berani, laban tu utai ti deka dikereja TUHAN ngagai semua munsuh ke dilaban kita.”