Popular Bible Verses from Pengulu 7

Share

Ku TUHAN bejaku ngagai Gideon, “Bala nuan kelalu mayuh. Aku enggai ngasuh sida menang ngelaban orang Midian, enggai ke sida ngumbai diri menang ketegal pengering sida empu, lalu enggai muji Aku.

Ku TUHAN bejaku ngagai Gideon, “Aku deka ngelepaska nuan lalu ngasuh nuan menang ngelaban orang Midian ngena tiga ratus iku sida ke nilat ai baka ukui. Asuh semua sida ti bukai pulai.”

Padahka ngagai orang mayuh munyi tu, ‘Barang sapa takut, awakka iya pulai.’ ” Baka nya ku jalai Gideon nguji sida; lalu dua puluh dua ribu iku pulai. Ka semina sepuluh ribu iku agi tinggal.

Udah nya TUHAN lalu bejaku baru enggau Gideon, “Bala nuan agi kelalu mayuh. Bai sida ngagai ai. Din Aku deka nguji sida ke nuan. Enti Aku madahka ngagai nuan, ‘Orang tu deka bejalai enggau nuan,’ orang nya deka bejalai enggau nuan. Enti Aku madahka ngagai nuan, ‘Orang tu enda tau bejalai enggau nuan,’ iya enda bejalai enggau nuan.”

Gideon lalu mai sida ngagai ai. TUHAN lalu bejaku ngagai Gideon, “Seraraka semua orang ke ngirup baka ukui, ari sida ke nyerugang lalu ngirup.” Tiga ratus iku sida ngauk ai ngena jari, lalu ngirup ai nya ari jari sida. Semua sida ti bukai nyerugang magang, lalu ngirup.