Popular Bible Verses from James 3

Share

Tang penemu-dalam ti datai ari atas nya, lumur satu, tuchi, mai pemaik, nelap, siru, penuh laban pengasih enggau buah ti manah, enda bepilih mata tauka pura-pura ngapa.

Sapa bala kita ke bepenemu-dalam sereta mereti? Awakka iya ngayanka pemadas pengidup diri ngena pengawa ti dikereja iya ngena ati ti baruh ti datai ari penemu-dalam.

Lalu orang ke nanam pemaik, deka ngetau pengelurus.

Laban dia endur alai ati ti kepapas, enggau ati ti semina berundingka diri empu aja, dia meh endur alai penyarut enggau semua pengawa ti jai nyadi.

Ngena dilah nya kitai muji Tuhan ti Apai kitai, lalu ngena dilah nya mega kitai nyumpah orang ke digaga neladan gamal Allah Taala Empu. Ari nyawa siti nya pansut jaku berekat enggau jaku sumpah. Menyadi, utai tu enda tau baka nya!

Dilah nya api, dunya ti jai dalam tubuh kitai, ti ngamahka kitai, nyelup semua pengidup kitai ngena api, lalu dilah nya empu diselup api neraka.

tang nadai orang ulih bejinakka dilah. Dilah nya utai ti jai, ti enda nemu jenuh, ti penuh laban rachun ti bisa.

Menyadi, enda mayuh kita tau nyadi pengajar laban, kita nemu, kami ke ngajar deka diakim balat agi.