Popular Bible Verses from James 1

Share

Menyadi, lebuh kita dituntung mayuh macham penguji, kita patut gaga ati, laban kita nemu, lebuh pengarap kita diuji, iya ngadaka ati ti tan.

Enti kita nadai penemu-dalam, pinta ngagai Allah Taala ke meri enggau gerah mudah sereta enda mansik penyalah, lalu utai nya deka diberi ngagai kita.

Kita, menyadi ke dikerinduka aku, enda tau enda nemu tu: genap iku orang enda tau enda jampat mending, lubah mansutka jaku, lubah ringat

Lalu awakka ati ti tan nya nembuka pengawa iya, ngambika kita nyadi orang ke besai tuai sereta nyadi pemadu badas, nadai kurang utai.

Tang anang semina mendingka jaku nya, lalu nipu diri empu. Kereja utai ti diasuh jaku nya.

Beberekat meh orang ke tan natka penguji, laban lebuh iya tan diuji, iya deka nerima makota pengidup ti udah disemaya Tuhan ke orang ke rinduka Iya.

Semua pemeri ti menyana, ti pemadu badas endang datai ari atas magang, nurun ari Apai penampak ke enda berubah, ke enda mindah kin kitu baka ayuk.

Laban enti orang semina mending lalu enda ngereja utai ti diasuh jaku nya, sida nya baka orang ke meda gamal diri empu ba cheremin; laban sida meda gamal diri, lalu mupuk, lalu tekala nya enda ingatka gamal diri agi.

Pengarap ti tuchi, ti bendar di mua Allah Taala ti Apai nya: ngintu orang ke patu balu, ke merinsa, sereta ngintu diri tuchi ari penyai dunya.

Orang ke kena laban penguji, enda tau nyebut, “Aku diuji Allah Taala,” laban Allah Taala enda ulih diuji penyai, lalu Iya Empu enda nguji orang. Tang kitai diuji pengingin kitai empu, ti ngumpan lalu manjuk kitai

Awakka menyadi ke baruh pendiau temegahka diri ke diberi Allah Taala pangkat ti tinggi