Popular Bible Verses from Isaiah 65

Share

Indah sebedau sida badu besampi ngagai Aku, deh Aku deka nyaut sampi sida.

Ku TUHAN bejaku, “Aku ngaga langit ti baru enggau dunya ti baru. Semua utai ti lama, enda agi dikingatka.

Pengawa sida deka mujur, lalu bala anak sida enda dituntung penusah. Aku deka merekatka sida, enggau peturun sida belama iya.

Orang deka ngaga rumah lalu diau dia. Rumah nya enda diuan orang bukai. Sida deka bekebun anggur lalu ngelantangka diri ngirup wain. Wain nya enda diirup orang bukai. Nembiak Aku deka idup panjai umur baka kayu. Sida deka lantang ati bekenaka utai ti udah ulih sida.

Anak mit enda mati lebuh sida agi mit, lalu semua orang deka gayu-guru magang. Sida ke manggai seratus taun, deka dikumbai agi biak. Enti sida mati sebedau nya, nya tanda Aku udah ngukum sida.

Ukui kampung enggau anak domba deka begulai makai. Jelu singa deka makai rumput baka sapi, lalu ular enda agi mantuk. Nadai utai ti tau ngemedis tauka jai bisi di Sion, bukit Aku ti kudus.

Aku Empu deka gaga ati ketegal Jerusalem enggau nembiak iya. Orang dia nadai nyabak agi, tauka kaung-kaung ngangau minta tulung.