Popular Bible Verses from Isaiah 6

Share

Aku lalu ninga TUHAN bejaku, “Sapa orang ke patut dikirumka Aku? Sapa orang ke deka nyadi seruan kitai?” Aku lalu nyaut, “Aku, TUHAN! Kirumka aku!”

Sida ngangauka pangan diri, ku sida: “Kudus, kudus, kudus! meh TUHAN ti Pemadu Bekuasa! Semua dunya penuh laban mulia Iya.”

Ku aku bejaku, “Tulah meh aku tu! Nadai penyadi meh aku tu; laban mulut aku nyebut utai ti kamah, lalu aku diau enggau orang ke besebutka jaku ti kamah; tang taja pia, mata aku udah meda Raja, TUHAN ti Pemadu Bekuasa!”

Taun Raja Usiah mati, aku bisi meda TUHAN duduk ba kerusi diraja Iya, tinggi sereta bemulia, lalu baju panjai Iya ngemenuhka Rumah Sembiang.

Iya negu mulut aku ngena bara api nya, lalu ku iya bejaku, “Bara api tu udah negu mulut nuan. Diatu penyalah nuan udah dibuai, lalu dosa nuan udah diampun.”

Melikat serapim bediri ari atas Iya. Genap iku melikat nya bisi enam iti sayap: dua iti sayap dikena iya mungkur mua iya, lalu dua iti dikena iya mungkur kaki iya, lalu dua iti dikena iya terebai.

Udah nya siku melikat serapim terebai ngagai aku, mai bara api ti udah diambi iya ngena sepit ari alta.

Iya lalu ngasuh aku mupuk lalu meri pesan tu ngagai orang mayuh: “Taja pen kita bebendar mending, tang nadai meh kita ulih mereti. Taja pen kita bebendar merening, tang nadai meh kita ulih meda.”

Udah nya Iya lalu bejaku ngagai aku, “Awakka untak sida enda nemu berunding, bengal, sereta buta, ngambika sida enda ulih meda, ninga, tauka mereti enggai ke sida nguingka diri ngagai Aku, lalu digeraika.”