Popular Bible Verses from Isaiah 49

Share

Nya alai TUHAN nyaut, “Kati indu enda ingatka anak diri lalu enda rinduka anak ke diadaka iya empu? Enti sema indai enda ingatka anak diri, Aku deka seruran ingatka kita.

Jerusalem, Aku deka seruran ingatka nuan! Aku udah nuliska nama nuan ba tapa jari Aku.

Ku TUHAN nyaut, “Nya meh utai ti deka nyadi. Orang ke udah ditangkap soldadu, deka ditabanka, lalu perapasan ti udah ulih orang ke jai, deka dirampas. Aku deka ngelaban barang sapa ke ngelaban nuan, lalu Aku deka ngelepaska bala anak nuan.

Ku TUHAN bejaku ngagai aku, “Nembiak Aku, Aku bisi pengawa ti besai agi ti diasuh Aku kereja nuan. Nuan ukai semina deka mulaika kuasa ngagai orang Israel ti agi idup, tang Aku deka mega ngaga nuan nyadika penampak ke semua bansa, ngambika semua dunya diselamatka.”

Belagu meh nuan langit! Manjung gaga ati meh nuan dunya! Awakka bukit belagu! TUHAN deka merindang bala nembiak Iya. Iya deka sinu ati ke bala nembiak Iya ke merinsa.