Popular Bible Verses from Isaiah 35

Share

Sida deka datai di Jerusalem enggau ati ti gaga belagu sereta manjung gaga ati. Sida deka lantang belama iya, lepas belama iya ari ati ti sinu enggau ati ti tusah.

Keringka jari ti lelak enggau patung ti lemi sereta begetar. Sebut ngagai semua orang ke lemi semengat, “Kita enda tau enda kering, lalu enda tau takut! Allah Taala deka datai ngelepaska kita, lalu ngukum bala munsuh kita.”

Jalai raya ti dikumbai “Jalai Raya Ngagai Pengudus,” deka digaga dia. Nadai orang ke bedosa deka bejalai nengah jalai nya. Nadai orang ke beli deka nesatka orang ke niti jalai nya.

Orang ke buta ulih meda, lalu orang ke bengal ulih ninga.

Orang ke enda ulih bejalai, deka merejuk lalu betanda, lalu orang ke bisu, deka manjung gaga ati. Ai sungai deka rarat nengah menua puang.