Popular Bible Verses from Isaiah 33

Share

lalu meri pemaik ngagai orang Israel. Iya endang seruran nyaga nembiak Iya, lalu meri sida pemintar, enggau penemu. Pesaka sida ke pemadu besai nya ati ti nangika TUHAN.

TUHAN, kasihka kami. Kami udah manggaika pengandal ati kami ba Nuan. Jaga meh kami siang malam, lalu selamatka kami lebuh maya tusah.

Semua tali layar ba kapal nya enda ulih dikena. Layar enda ulih dikerembaika! Kitai deka ngerampas semua pengaya bala soldadu munsuh, lalu pengaya nya mayuh datai ke orang ke kait-kupit bisi diberi ungkup ari utai nya. TUHAN Empu deka nyadi raja kitai. Iya deka merintah sereta nyaga kitai.

Kita ulih idup enti kita nyebut lalu ngereja utai ti ngena. Anang ngelakar orang ke seranta ngena kuasa kita, lalu anang makai suap. Anang begulai enggau orang ke bekira deka bebunuhka orang, tauka ngereja penyai ti bukai. Nya baru kita deka diau likun. Kita deka diau likun baka ke diau dalam kuta ti tegap. Kita deka bisi pemakai, enggau utai diirup.