Popular Bible Verses from Isaiah 30

Share

Enti kita limpang ke kanan tauka ke kiba, kita deka ninga munyi nyawa Iya bejaku ari belakang kita, “Tu jalai. Titi jalai tu.”

Tang taja pia, TUHAN nganti maya Iya deka kasihka kita. Iya sedia deka kasihka kita, laban Iya endang seruran ngereja utai ti ngena. Beberekat meh orang ke manggaika pengarap sida ba TUHAN.

Laban TUHAN ti Pemadu Tinggi, Allah Taala ke disembah orang Israel ti kudus udah bejaku: “Pulai baru ngagai Aku, lalu panggaika pengarap kita ba Aku. Nya baru kita deka kering sereta likun.” Tang kita enggai.

TUHAN deka ngasuh kita ngasaika pemerinsa, tang Iya Empu deka bisi dia ngajar kita, lalu kita enda ibuh begigaka Iya agi.

Kita ti diau di Jerusalem enda agi nyabak ila. TUHAN endang kasih, lalu lebuh kita nyabak minta Iya nulung kita, Iya deka nyaut kita.

TUHAN udah bejaku munyi tu: “Tulah meh orang ke megai perintah di menua Judah, laban sida angkat ngelaban Aku. Sida nitihka pelan ti ukai digaga Aku, lalu begagaka sempekat ti ngelaban peneka Aku, lalu nugungka dosa sida.