Popular Bible Verses from Isaiah 25

Share

TUHAN, Nuan endang Allah Taala aku. Aku deka ngemesaika Nuan lalu muji nama Nuan. Nuan udah ngereja utai ti amat nyelai. Nuan udah tetap ati bejalaika pelan ti digaga Nuan kelia.

TUHAN ti Pemadu Tinggi deka ngerusak pemati belama iya! Iya deka ngendas ai mata ari mata semua orang, lalu muai pemalu ti udah ditatka bala nembiak Iya di serata dunya. TUHAN udah bejaku.

Lebuh utai nya nyadi, genap iku orang deka nyebut, “Iya endang Allah Taala kitai! Kitai udah manggaika pengarap kitai ba Iya, lalu Iya udah nyelamatka kitai. Iya nya meh TUHAN! Kitai udah manggaika pengarap kitai ba Iya, lalu diatu kitai lantang sereta rami gaga, laban Iya udah nyelamatka kitai.”

Ditu TUHAN deka ngenyit muai ati ti tusah ari semua bansa.

Ba Bukit Sion TUHAN ti Pemadu Bekuasa deka nyendiaka pengerami makai besai ke semua bansa ti di dunya tu - pengerami makai besai alai pemakai ti pemadu berega enggau wain ti pemadu manah deka disediaka.