Popular Bible Verses from Isaiah 1

Share

Ku TUHAN bejaku, “Aram kitai ngatur pekara tu. Kita nyau mirah dibalut dosa, tang Aku deka masu kita tuchi baka seleju. Taja pen kita nyau mirah-redam, kita deka nyadi burak baka bulu bedus.

Enti kita deka ngasika Aku, kita deka makai utai ti manah di menua tu.

lalu belajar ngereja utai ti ngena. Pejalaika atur ti lurus - tulung orang ke kena tekan, jaga hak orang ke nadai apai indai, lalu jaga indu ke balu.”

Tang enti kita ngelaban aku, kita deka diukum mati. Aku ti TUHAN, udah bejaku.”

Basu diri empu datai ke kita tuchi. Badu agi ngereja penyai ti dipeda Aku kereja kita. Anang agi ngereja penyai

“Lebuh kita ngangkatka jari kita besampi, Aku enggai malik ngagai kita. Taja pen kita bebendar besampi, tang enggai meh Aku mending, laban jari kita dibalut darah.

Nadai guna kita mai piring. Aku nyau deka mutah ensium menyan ti ditunu kita. Aku enda tan natka Gawai Anak Bulan kita, Hari Sabat kita, enggau gawai pengarap kita. Semua utai nya udah kamah magang laban dosa kita.

Jelu sapi nemu sapa ke bempu sida, lalu jelu keledai nemu endur alai tuan sida meri sida makai. Tang nembiak Aku orang Israel enda nemu sapa tuan sida. Sida endang enda mereti.”

Aku begedika Gawai Anak Bulan kita, enggau hari kudus kita. Utai nya semina ngasuh ma aku berat, lalu Aku lelak mai utai nya.