Popular Bible Verses from Esekiel 2

Share

Lebuh nyawa nya benung bejaku, Roh Allah Taala lalu tama ngagai aku, lalu ngangkatka aku bediri, lalu aku ninga munyi nyawa nya majak bejaku. Ku Iya, “Anak mensia, Aku ngasuh nuan mansang ngagai orang Israel. Sida udah angkat ngelaban Aku, lalu agi mengkang nyadi orang ke ngelaban, baka aki ini sida menya.

Nuan deka madahka ngagai sida sebarang utai ti diasuh Aku sebut nuan, nemuka sida mending tauka enda. Ingat, semua sida nya orang ke angkat ngelaban magang. “Anak mensia, pendingka utai ti dipadahka Aku ngagai nuan. Anang angkat ngelaban baka sida nya. Buka nyawa nuan lalu empa utai ti deka diberi Aku ngagai nuan.”

Nemuka bala orang ke ngelaban nya mendingka nuan tauka enda, sida deka nemu siku nabi bisi udah begulai enggau sida.