Popular Bible Verses from Pemansut 3

Share

Ku Allah Taala nyaut Moses, “AKU TU MEH AKU. Nuan enda tau enda madahka ngagai orang Israel: ‘Iya ke dikumbai AKU TU MEH AKU udah ngirumka aku ngagai kita.’

Ku Allah Taala nyaut, “Aku deka meruan enggau nuan, lalu lebuh nuan mai orang Israel pansut ari menua Ejip, kita deka nyembah Aku ba bukit tu. Tu nyadika tanda Aku udah ngirumka nuan.”

Ku Allah Taala bejaku, “Anang datai semak. Buka selipar nuan, laban nuan bediri ba tanah ti kudus.

Ku TUHAN bejaku, “Aku udah meda pemedis bala nembiak Aku diperinsaka orang di menua Ejip. Aku udah ninga sida ngangau minta diri dilepaska ari mandur ke ngemataka sida. Aku nemu pemalat sida kena perinsa, nya alai Aku nurun laban Aku deka ngelepaska sida ari jari orang Ejip, lalu mai sida pansut ari menua Ejip ngagai menua ti luas, menua ti kaya sereta ami ti diuan orang Kanaan, orang Iti, orang Amor, orang Peris, orang Ibi, enggau orang Jebus.

Dia siku melikat TUHAN pegari di mua iya, baka api ti pansut ari babas. Moses meda babas nya mau laban api, tang babas nya enda angus.

Diatu Aku ngirumka nuan ngagai raja menua Ejip, ngambika nuan mai nembiak Aku pansut ari menua Ejip.”