Popular Bible Verses from Pemansut 13

Share

Lebuh siang hari, TUHAN bejalai dulu ari sida dalam gentilang remang, nunjukka jalai ngagai sida, lalu lebuh malam hari, Iya bejalai dulu ari sida, dalam tiang api, meri sida penampak, ngambika sida ulih bejalai siang malam. Tiang mua hari nya endang seruran bejalai dulu ari orang Israel lebuh siang hari, lalu tiang api nya seruran di mua sida lebuh malam hari.

Lebuh raja menua Ejip ngelepaska orang Israel, Allah Taala enda nguluka orang Israel nengah jalai ti nebing tasik ngagai menua Pilistin, taja pen jalai nya muntang, laban ku pikir Allah Taala, “Aku enggai ke orang Israel ngubah runding diri, lalu pulai baru ngagai menua Ejip, lebuh sida nemu diri enda tau enda beperang.”

Nya alai, Iya nguluka sida niti jalai ti melit, nengah menua puang, nuju ngagai Tasik Mirah. Orang Israel endang udah nyendiaka diri deka beperang.