Popular Bible Verses from Ester 6

Share

Malam nya raja enda ulih tinduk, lalu iya ngasuh orang mai sereta macha ngagai iya cherita pasal perintah menua nya. Bagi ti dibacha sida nya madahka pasal Mordikai ke tetemuka orang ke bepekat deka munuh raja, iya nya Biktana seduai Tares, dua iku lelaki ti udah dipeliri, ke bekereja nyaga bilik raja.

Haman lalu tama, lalu ku raja bejaku enggau iya, “Aku deka meri basa ngagai orang siku. Nama utai ti patut dikereja aku ke orang nya?” Haman lalu berunding dalam ati diri, “Sapa orang ke deka dibasa raja? Nadai patut orang bukai kelimpah ari aku.”

Udah nya raja lalu bejaku enggau Haman, “Jampat ambi baju panjai enggau kuda, lalu beri basa ngagai orang Judah ke benama Mordikai. Kereja ngagai iya semua utai ti udah disebut nuan. Nuan deka nemu iya duduk ba mua pintu istana.”