Popular Bible Verses from Bup Pengajar 7

Share

Anang lengkar. Nuan beli enti nuan bedendam.

Lebuh nuan mujur, nuan patut gaga ati, lalu lebuh penusah nuntung, ingatka tu: Allah Taala empu ke ngasuh pengelantang enggau penusah nyadi. Nadai nuan nemu utai ti deka nyadi.

Pengujung utai endang manah agi ari pun iya. Ati ti liat manah agi ari penyumbung.

Nadai orang di dunya tu ti nadai kala ngereja utai ti salah.

lalu iya deka meri kitai pengelikun baka duit. Penemu-dalam deka ngasuh nuan likun. Nya meh penguntung bisi penemu.

Tampak nama nya manah agi ari minyak wangi ti berega, lalu hari nuan mati nya manah agi ari hari nuan ada.

Manah agi enti nuan dianu orang ke bepenemu-dalam, ari ke dipuji orang ke beli ngena lagu.

Manah agi mansang ngagai rumah orang ke ngulit, ari ke mansang ngagai rumah alai orang ke rami, laban orang ke idup seruran ingatka pemati endang nganti semua kitai.

Orang ke selalu berundingka pasal pengelantang nya orang ke beli. Orang ke bepenemu-dalam berundingka pasal pemati.