Popular Bible Verses from Bup Pengajar 11

Share

Kita ke biak, awakka kita ngelantangka diri kala lebuh kita agi biak. Awakka kita gaga kala lebuh kita agi biak. Kereja aja utai ti dikedekaka kita, lalu turutka pengingin ati kita. Tang ingat: Allah Taala deka ngakim kita ketegal semua utai ti dikereja kita.

Anang nejuka sebarang utai ngasuh ati kita irau, tauka ngemediska kita. Kita enda lama mengkang biak.

Enti nuan nganti hari enggau ribut ti ngena, nuan enda tetanamka utai, lalu nuan nadai utai diketau.

Allah Taala ngaga semua utai, lalu nuan enda ulih meretika utai ti dikereja Iya, baka nuan ti enda meretika chara mensia nyadi dalam kandung indai iya.

Taburka benih nuan lebuh pagi hari enggau lebuh lemai hari. Nadai nuan nemu bagi iya ti deka tumbuh, iya ti ditanam pagi tauka iya ti ditanam lebuh lemai hari.

Simpan duit nuan ba mayuh bengkah endur - mayuh agi endur, manah agi - laban nuan enda nemu bagi utai ti jai ti deka nuntung nuan di dunya tu.