Popular Bible Verses from Bup Pengajar 1

Share

Dalam agi penemu nuan, mayuh agi ga pengirau nuan. Mayuh agi utai ditemu nuan, balat agi ga iya ngemediska nuan.

Utai ti udah nyadi suba, deka nyadi baru. Utai ti udah dikereja suba, deka dikereja baru. Nadai utai ti nyengala baru di serata dunya tu.

Semua utai ngujung ngagai pengelelak magang, pengelelak ti enda ulih ditelah. Mata kitai enda nemu puas meda utai. Pending kitai enda nemu puas ninga utai.

Pengidup nadai guna, sigi nadai guna, ku orang ke bepenemu-dalam nya bejaku. Pengidup endang nadai guna, nadai guna semua. Nuan bekereja seumur idup, tang nama utai ulih nuan ari nya?

Aku udah meda semua utai ti dikereja di dunya tu, lalu aku madahka ngagai kita semua utai nya endang nadai guna magang baka ke begagaika ribut.

Serak siti diganti serak siti, tang dunya mengkang enda berubah.

Nadai orang ingatka utai ti nyadi dulu kelia, lalu nadai orang jemah ila deka ingatka utai ti deka nyadi ari kenyau diatu nyentuk ngagai jemah ila.

Aku mutus ati deka nemu bida entara utai ti dikumbai penemu enggau utai ti dikumbai pemeli, entara penemu-dalam enggau penemu orang ke gila. Tang aku nemu, pengawa nya baka ke begagaika ribut.