Popular Bible Verses from Ulang Adat 8

Share

Kita enda tau enda ingatka TUHAN Allah Taala kita, laban Iya ke meri kita kuasa kena ngulihka pengaya, lalu netapka sempekat ti udah digaga Iya enggau aki ini kita, baka ke dikereja Iya sehari tu.

Iya ngasuh kita lapar kena Iya ngemaruhka ati kita, lalu udah nya Iya meri kita mana nyadika pemakai kita, pemakai ti enda kala diempa kita, tauka diempa aki ini kita. Iya ngereja nya ngambika kita nemu, mensia ukai beridup makai roti aja, tang beridup ba genap leka jaku ti pansut ari mulut TUHAN.

Kingatka chara TUHAN Allah Taala kita udah nguluka kita bejalai nengah menua puang empat puluh taun tu ti udah, kena Iya ngemaruhka ati kita, sereta ngabas ati kita, laban Iya keran deka nemu utai ti dalam ati kita, sekalika kita deka tauka enggai ngasika pesan Iya.

Nya alai, bejaga kita enggai ke kita nyebut dalam ati diri, ‘Kuasa enggau pengering aku empu ti ngasuh aku bulih pengeraja tu.’

“Anang enda ingatka TUHAN Allah Taala kita; anang enda ngasika semua adat Iya ti diberi aku ngagai kita sehari tu

Nya alai, kita patut nemu, TUHAN Allah Taala disiplin kita baka apai ke disiplin anak diri.

Lalu kita deka makai lalu kenyang, lalu kita deka muji TUHAN Allah Taala kita laban Iya udah meri menua ti manah ngagai kita.

Nya alai, titihka semua pesan TUHAN Allah Taala kita; titihka jalai Iya, sereta nangika Iya.

ti udah nupi kita di menua puang ngena mana, pemakai ti enda kala diempa aki ini kita, kena Iya ngemaruhka sereta ngabas ati kita, ti meri penguntung ngagai kita.

enggai ke, lebuh kita udah makai lalu kenyang, lalu udah nirika rumah ti manah, lalu diau dalam rumah nya, lalu jelu sapi enggau jelu bedus kita udah nambah-menambah, lalu pirak enggau emas kita udah nambah-menambah, lalu semua reta tengkira kita udah nambah-menambah, kita lalu ngeninggika diri, lalu enda agi ingatka TUHAN Allah Taala kita, ti udah mai kita pansut ari menua Ejip, ari pengidup kita ke nyadi ulun

Laban TUHAN Allah Taala kita mai kita ngagai menua ti ami, menua ti mayuh mata ai enggau ai sungai ti rarat nengah lebak enggau munggu, menua ti mayuh gandum enggau barli, buah anggur, buah kayu ara, buah delima, kana enggau ai manyi, menua ti alai kita nadai kala suntuk utai, alai kita bisi semua utai ti dipeguna kita, menua ti penuh laban besi, lalu nyamai alai ngulihka engkeraju ari bukit.

“Kita enda tau enda tetap ati ngasika semua adat ti udah diberi aku ngagai kita sehari tu, ngambika kita ulih idup, lalu pemayuh tubuh kita nambah-menambah, lalu kita ngalahka menua ti udah disemaya TUHAN ngagai aki ini kita.

Dalam empat puluh taun nya, gari kita enda luya, lalu kaki kita pen enda mega kembai.

ti udah nguluka kita bejalai nengah menua puang ti mar alai diau, menua ti mayuh ular enggau kala, menua ti nadai ai, alai Iya ke mansutka ai ari batu