Popular Bible Verses from Ulang Adat 28

Share

“Enti kita ngasika TUHAN Allah Taala kita, lalu tetap ati nitihka semua pesan Iya ti diberi aku ngagai kita sehari tu, TUHAN Allah Taala kita deka ngaga kita nyadi bansa ti pemadu bekuasa di dunya tu.

Semua berekat tu deka diberi ngagai kita, enti kita ngasika TUHAN Allah Taala kita

TUHAN deka ngaga kita nyadi pala, ukai nyadi iku; kita deka seruran kaya-raja, nadai kala miskin, enti kita ngasika pesan TUHAN Allah Taala kita, ti diberi aku ngagai kita sehari tu

TUHAN deka nukangka langit, alai Iya ke nyimpan ai ujan, lalu meri kita ai ujan nitihka musin, lalu merekatka semua pengawa kita. Kita deka nyali ngagai mayuh bengkah bansa, tang kita enda nginjau.

“TUHAN deka ngasuh munsuh ke nyerang kita, alah laban kita. Sida deka datai nyerang kita nengah jalai siti, tang rari ari kita nengah tujuh bengkah jalai.

“TUHAN Allah Taala kita deka merekatka tibang kita, enggau semua pengawa ti dikereja kita; Iya deka merekatka kita di menua ti diberi TUHAN Allah Taala kita ngagai kita.

“Kita deka diberekatka lebuh kita mupuk, enggau lebuh kita pulai.

“Nengeri enggau umai kita deka diberekatka.

“Anak kita, utai ti ditanam kita, anak jelu tupi kita, nyengkaum anak sapi enggau anak domba kita, deka diberekatka.

TUHAN deka ngaga kita nyadi bansa ti kudus, munyi ti udah disemaya Iya ngena sumpah, enti kita ngasika pesan ti diberi TUHAN Allah Taala kita, lalu idup nitihka jalai Iya.

“Bakul roti enggau bisin ti dikena kita ngaga roti, deka diberekatka.

TUHAN deka meri kita mayuh anak, mayuh jelu sapi, bulih mayuh asil ari utai ti ditanam kita, di menua ti udah disemaya Iya ngagai aki ini kita, ti deka diberi Iya ngagai kita.

Nya baru semua bansa di dunya tu deka nemu kita udah dipilih TUHAN nyadika nembiak Iya, lalu sida deka takutka kita.

lalu enda limpang ke kiba tauka ke kanan ari sebarang jaku ti diberi aku ngagai kita sehari tu, sereta enda nitih tauka nyembah petara bukai.

“Tang enti kita enda ngasika TUHAN Allah Taala kita, lalu enda tetap ati ngereja semua pesan enggau adat Iya ti diberi aku ngagai kita sehari tu, semua leka jaku sumpah tu deka ninggang kita