Popular Bible Verses from ڢِلِݠِّعٜنْ 2

Share

تَا نغَطٜ کٛو طُمٜ بٜى نُمٛوجِ کَاجُطِ مَلَّ نغَمْ مَنْتٛرَاغٛ کٛعٜ مٛنْ؞ عَمَّا ندٜرْ يَنغْکِنَارٜ، ندَارٜ وٛطْࢡٜ بَنَ ࢡُرْࢡٜ عٛنْ؞ تَا غٛطّٛ حَکِّلَنَ کٛ نَڢَتَ حٛورٜ مُمْ، عَمَّا کٛ نَڢَتَ وٛطْࢡٜ؞

نُمٛ مٛوطٛنْ لَاتٛ بَنَ نغٛ عِيسَى اَلْمَسِيحُ‏

کَنغْکٛ عٛ اَللَّه، بٜى نٛنْ ڢُو عٛجٛوطٛرَاکِ دَرْندٜ مَاکٛ، عٛعَشِّ کٛ عٛمَرْنٛ ڢُو، عٛوَرْتِرِ حٛورٜ مَاکٛ مَشُّطٛ، عٛلَاتِ غٛوتٛ شَکَ يِمْࢡٜ، يِمْࢡٜ عَنْدِتِمٛ عٛ نٜطّٛ؞ عٛلٜىٰسْتِنِ حٛورٜ مَاکٛ، عٛطٛوْتَنِ اَللَّه حَا يٛتِّ مَايْدٜ، مَايْدٜ دٛوْ لٜغَّلْ غَاڢَانغَلْ؞

نغَمْ اَللَّه بٜى حٛورٜ مُمْ طٛنْ حُووَ ندٜرْ مُويٛ مٛنْ عٜ ندٜرْ کُوطٜ مٛنْ ڢٛدّٜ عَنِّيَ مُمْ مبٛوطْکَ؞

نغَمْ مَنْ اَللَّه ࢡَنغْتِمٛ دٛوْ کٛو طُمٜ، حٛکِّمٛ عِنْدٜ ࢡُرْندٜ عِنْطٜ ڢُو؞ ندٜنْ کَمْ بٜى عِنْدٜ عِيسَى کٛو مٛيْ ندٜرْ عَسَمَ عٜ دٛوْ لٜسْدِ عٜ لٜسْ لٜسْدِ کٛوڢٛ يٜىٰسٛ مَاکٛ عٜ کٛو مٛيْ سٜىٰدَ‏: «عِيسَى اَلْمَسِيحُ وٛنِ جَوْمِرَاوٛ» نغَمْ تٜدُّنغَلْ اَللَّه بَابِرَاوٛ؞

ندٜرْ کُوطٜ مٛنْ ڢُو تَا نغُرْنغُرْتٜ، تَا نجٛکِّرٜ، نغَمْ حَا عٛنْ لَاتٛ لَاࢡّٜ ࢡٜنغَلَا عَيْبٜ، عٛنْ ࢡِࢡّٜ اَللَّه تِمُّࢡٜ شَکَ يِمْࢡٜ ڢَاسِکِعٜنْ، وٛنِّيࢡٜ ࢡٜعٜ؞ نجَيْنٜ شَکَ مَࢡّٜ بَنَ جَيْلِ حَا دُنِيَارُ؞

يِطَاࢡٜ عَمْ، سَاعِ مِ طٛنّٛ وٛنْدِ بٜى مٛوطٛنْ، عٛنْ طٛوْتَنِ يَمْ ڢٛرٛيْ؞ کٛو جٛنْتَ ندٜ مِوَلَاطٛنْ بٛو، طٛوْتَنٜىٰطَمْ، مبَنغِنٜ کِسْندَمْ مٛنْ ندٜرْ کُلٛلْ عٜ دِوْنغٛلْ،