Popular Bible Verses from عٜڢٜسُعٜنْ 5

Share

نغَمْ مَاجُمْ مبَطٜ کٛ اَللَّه وَطَتَ ندٜ نِي عٛنْ ࢡِࢡّٜ مَاکٛ يِطَاࢡٜ؞ نغٜىٰطٜ ندٜرْ يِيدٜ بَنَ نٛ اَلْمَسِيحُ يِطِرِ عٜنْ، عٛحٛکِّ يٛنغْکِ مَاکٛ نغَمْ مٜىٰطٜنْ؞ عٛلِيعَنِ کِ اَللَّه بَنَ کِرْسَاطُمْ، بَنَ دٛکَّلْ مَرْنغَلْ عُورٜىٰنغٛلْ بٜلْنغٛلْ؞

نغَمْ مَاجُمْ کَکِّلَنٜ يَحْدُ مٛنْ بٛوطُّمْ، نغَمْ تَا عٛنْ لَاتٛ ڢَاتَاࢡٜ، عَمَّا حِکْمَعٜنْ؞ نَڢْتٛرٜ وَکَّتِ، نغَمْ ࢩَلَاطٜ جٛنْتَاجٜ طٜ کَلُّطٜ؞

تَا نغُيْکٜ، نغَمْ نغُيْکِنٛوجَمْ يَحْرَنْ حَا دَاکَارٜىٰکُ؞ ندِکَّ عٛنْ عَشَّ رُوحُ اَللَّه حٜىٰوَ ندٜرْ مٛوطٛنْ؞ حَوْتَادٜ، نغِمٜ جَبُورَاجٜ عٜ مَنغْتٛوجٜ عٜ غِمٜ عِوْطٜ دِغَ رُوحُ؞ نغِمَنٜ جَوْمِرَاوٛ، مَنغْتٜ مٛ بٜى جَبُورَاجٜ بٜى ࢡٜرْطٜ مٛنْ ڢُو؞ نغٜتّٜ اَللَّه بَابِرَاوٛ کٛو ندٜيْ نغَمْ کٛو طُمٜ بٜى عِنْدٜ جَوْمِرَاوٛ مٜنْ عِيسَى اَلْمَسِيحُ؞

نغَمْ مَاجُمْ، تَا لَاتٜ ڢَاتَاࢡٜ، عَمَّا ݠَامٜ کٛ وٛنِ مُويٛ جَوْمِرَاوٛ؞

عٛنٛنْ وٛرْࢡٜ، نغِطٜ رٜوْࢡٜ مٛنْ بَنَ اَلْمَسِيحُ يِطِرِ جَمَعَارٜ، حٛکِّ حٛورٜ مُوطُمْ نغَمْ مَارٜ،

ࢡٛويْمَ عٛنْ طٛنّٛ ندٜرْ ࢩِࢡْرٜ، عَمَّا جٛنْتَ عٛنْ طٛنْ ندٜرْ أَلنّٛورَ نغَمْ دَلِيلَ کَوْتَلْ مٛنْ بٜى جَوْمِرَاوٛ؞ نغَمْ مَاجُمْ نغٜىٰطٜ بَنَ يِمْࢡٜ أَلنّٛورَ،

کٛو مٛيْ مٛوطٛنْ لٜىٰسْتَنَ وٛطْࢡٜ نغَمْ دَلِيلَ طٛوْتَارٜ مٛنْ حَا اَلْمَسِيحُ؞

عٛنٛنْ رٜوْࢡٜ، لٜىٰسْتَنٜ وٛرْࢡٜ مٛنْ بَنَ عٛنْ طٛنْ لٜىٰسْتَنَ جَوْمِرَاوٛ؞

عَمَّا ندٜ طٛنْ وٛلْوَنَ عٛنٛنْ بٛو‏: سٜيْ کٛو مٛيْ مٛوطٛنْ يِطَ دٜبّٛ مُمْ بَنَ حٛورٜ مُمْ، دٜبّٛ بٛو طٛوْتَنَ غٛرُمْ؞

نغَمْ مَاجُمْ‏: «غٛرْکٛ عَشَّنْ بَابَ مُوطُمْ عٜ دَادَ مُوطُمْ، طَکّٛتِرَنْ بٜى دٜبّٛ مُوطُمْ، ࢡٜ طِطٛ ࢡٜلَاتٛتٛ ࢡَنْدُ وٛورُ؞»

تَا کَوْتٜ بٜى حُووٛوࢡٜ کُوطٜ مٜىٰرٜىٰجٜ طٜ ࢩِࢡْرٜ، ندِکَّ عٛنْ ݠٜڢْتَ طٜ؞