Popular Bible Verses from تٛوکْتَاکِ تَوْرٜىٰتَ 8

Share

شِڢْتٛرٜ جَوْمِرَاوٛ، اَللَّه مٛوطٛنْ، نغَمْ کَنغْکٛ رِسْکِنِ عٛنْ بٜى حٛکُّغٛ عٛنْ سٜمْبٜ؞ عٛوَطِ طُمْ نغَمْ عَلْکَوَلْ نغَلْ عٛحَࢡِّ بٜى کَاکِرَاࢡٜ مٛوطٛنْ بٜى حُنَيٜىٰرٜ حَا وَرْغٛ حَنْدٜ؞

عٛلٜىٰسْنِ عٛنْ، عٛنَسْتِنِ عٛنْ ندٜرْ وٜىٰلٛ، ندٜنْ عٛࢩَامْنِ عٛنْ مَنُّ ندُ عٛنٛنْ عٜ بَابِرَاࢡٜ مٛوطٛنْ عٛنْ مٜىٰطَايْنٛ عَنْدُغٛ؞ نغَمْ بٜى مَاجُمْ عٛعَنْدِنِرِ عٛنْ‏: نٜطّٛ يٜىٰطِرْتَا بٜى ࢩَامْدُ تَنْ، عَمَّا بٜى وٛلْدٜ ندٜ اَللَّه وٛلْوِ ڢُو؞

شِڢْتٛرٜ لَاوٛلْ نغٛلْ جَوْمِرَاوٛ، اَللَّه مٛوطٛنْ طٛوْرِ عٛنْ دٛوْ مُوطُمْ دُوࢡِ شَݠَّنْطٜ نَيِ ندٜرْ لَدّٜ ڢُو، عٛلٜىٰسْنِ عٛنْ نغَمْ ڢٛونْدُغٛ عٜ لَارُغٛ کٛ وٛنِ ندٜرْ ࢡٜرْطٜ مٛوطٛنْ، نغَمْ لَارُغٛ عٛنْ طٛوْتَنْتٛ عُمْرٛوجٜ مَاکٛ نَ مَلَّ عٛنْ طٛوْتَنْتَاکٛ طٜ؟

تَا نُمٜ عٛنْ ندِسْکِرِ بٜى بَاوْطٜ عٜ سٜمْبٜ مٛنْ‏!

«کَکِّلٜ، نغَمْ تَا عٛنْ نغٜجِّتَ جَوْمِرَاوٛ، اَللَّه مٛوطٛنْ‏! تَا عَشّٜ طٛوْتَنَاغٛ عُمْرٛوجٜ مَاکٛ عٜ کِيتَاجِ مَاکٛ عٜ ڢَرِلَّاجِ مَاکٛ طُمْ عُمْرَنْمِ عٛنْ حَنْدٜ؞

ݠَامٜ بٛوطُّمْ نٛ جَوْمِرَاوٛ، اَللَّه مٛوطٛنْ يِطِ عٜلْتُغٛ عٛنْ بَنَ بَابَ عٜلْتِرْتَ ࢡِيُمْ؞

عٛنْ ࢩَامَنْ، عٛنْ کَارَنْ، عٛنْ نغٜتَّنْ جَوْمِرَاوٛ، اَللَّه مٛوطٛنْ نغَمْ لٜسْدِ مبٛوندِ ندِ عٛحٛکِّ عٛنْ؞»

نغَمْ مَاجُمْ طٛوْتَنٜ عُمْرٛوجٜ جَوْمِرَاوٛ، اَللَّه مٛوطٛنْ‏: تٛکّٜ لَابِ مَاکٛ، کُلٜ مٛ؞

کَنغْکٛ ࢩَامْنِ عٛنْ مَنُّ ندٜرْ لَدّٜ مَنْ، ࢩَامْدُ ندُ بَابِرَاࢡٜ مٛوطٛنْ عَنْدَانٛ، عٛلٜىٰسْنِ عٛنْ، عٛڢٛونْدِ عٛنْ نغَمْ وٛونَنْغٛ عٛنْ ندٜرْ غَرَنْطُمْ؞

تٛ عٛنْ ࢩَامِ، عٛنْ کَارِ، عٛنْ ࢩِࢡِ شُوطِ بٛوطِّ، عٛنْ نجٛوطِ تٛنْ، نَعِ عٜ دَمّٛوجِ عٜ شَرْدِ عٜ کَنغّٜىٰرِ عٜ مَرْلٜ مٛوطٛنْ ڢُو ࢡٜسْدَکٜ، ندٜنْ ࢡٜرْطٜ مٛنْ مَوْنِتٛ، عٛنْ نغٜجِّتَ جَوْمِرَاوٛ، اَللَّه مٛوطٛنْ غُرْتِنْطٛ عٛنْ نجٜيَانغُ حَا مِصْرَ؞

نغَمْ جَوْمِرَاوٛ، اَللَّه مٛوطٛنْ طٛنْ يَحْرَ عٛنْ حَا لٜسْدِ مبٛوندِ، مَرْندِ مَاجٜ عٜ شٜىٰࢡٛوجٜ عٜ ندِيَمْجِ لُغّٜىٰنغَ ࢡُلَنْطِ ندٜرْ وَادِيجِ عٜ دٛوْ کٛوسٜىٰجٜ؞ ندِ حٜىٰوِ عَلْکَمَارِ عٜ سَعِيرُورِ عٜ عِنَبٛوجٜ عٜ عِبّٜ عٜ رُمَّانٛوجٜ عٜ جَيْتُنْجٜ عٜ نجُمْرِ؞ لٜسْدِ مَرْندِ رِسْکُ، وٜىٰلٛ وَلَا تٛنْ، عٛنْ شٛويَتَا کٛو طُمٜ حَا مَارِ؞ کَاعٜ لٜسْدِ مَنْ کٜىٰوِ نجَمْندِ ࢡَلٜىٰرِ، عٛنْ نغَسَنْ نجَمْندِ مبٛطٜىٰرِ ندٜرْ کٛوسٜىٰجٜ مَارِ؞

«کَکِّلَنٜ عُمْرٛوجٜ ڢُو طٜ عُمْرَنْمِ عٛنْ حَنْدٜ، طٛوْتَنٜ طٜ، نغَمْ حَا عٛنْ نغٜىٰطَ، عٛنْ طُوطَ، عٛنْ نَسْتَ حَا لٜسْدِ ندِ جَوْمِرَاوٛ حُنَنِ کَاکِرَاࢡٜ مٛوطٛنْ، عٛنْ مَرَ ندِ؞

دُوࢡِ شَݠَّنْطٜ نَيِ غٛ ڢُو، لِمْشٜ مٛنْ کِيطَايْ، کٛسْطٜ مٛنْ عُݠَّايْ؞

کَنغْکٛ طٛوِ عٛنْ ندٜرْ لَدّٜ مَوْندٜ حُلْنِيندٜ ندٜ بٛطّٜ مبَرٛوجٜ عٜ جَحٜ نغٛنِ عٜ مُمْ؞ وَلَا ندِيَمْ ندٜرْ لٜسْدِ مَنْ، عَمَّا کَنغْکٛ عٛعِلْنِ ندِيَمْ دِغَ تَݠَارٜ سَاتُندٜ، حَا عٛنْ نجَرَ؞