Popular Bible Verses from 2 Reeaghyn 6

Share

As ghow Elisha padjer, as dooyrt eh, Hiarn, ta mee guee ort, foshil ny sooillyn echey dy vod eh fakin. As doshil y Chiarn sooillyn y dooinney aeg, as honnick eh; as cur-my-ner, va’n slieau lane dy chabbil as dy ainee aile ooilley mygeayrt Elisha.

As dreggyr eh, Ny bee aggle ort; son t’adsyn ta mârin ny s’troshey na adsyn ta mâroosyn.

As tra va sharvaant yn dooinney dy Yee er n’irree dy moghey, as er n’gholl magh, cur-my-ner, va sheshaght-caggee er chruinnaghey yn ard-valley, chammah lesh cabbil, as fainee: as dooyrt e harvaant rish, Ah treih, my vainshtyr! cre’n erree hig orrin?

As tra haink ad neose huggey, ghow Elisha padjer gys y Chiarn, as dooyrt eh, Cur shaghrynys, ta mee guee ort, er soilshey yn pobble shoh. As woaill eh ad lesh dellid, cordail rish goo Elisha.

As dooyrt y dooinney dy Yee, Cre’n raad huitt eh? As yeeagh eh da yn ynnyd. As yiare eh sheese banglane, as cheau eh ayns shen eh; as haink yn yiarn er yn eaghtyr.

Agh myr va fer lhieggal sheese billey, huitt kione y teigh ayns yn ushtey: as deïe eh, as dooyrt eh, Ah treih, vainshtyr! son ve eeasit.

Eisht dooyrt eh, Gow hood eh. As heeyn eh magh e laue, as hrog eh eh.