Popular Bible Verses from 2 Reeaghyn 20

Share

Chyndaa reesht, as insh da Hezekiah, captan my phobble, Myr shoh ta’n Chiarn Jee Ghavid dty ayr gra, Ta mee er chlashtyn dty phadjer, ta mee er vakin dty yeïr: Cur-my-ner, neem’s uss y lheihys; as er y trass laa hed oo seose gys thie yn Chiarn.

Cooinee nish, ta mee guee ort, O Hiarn, kys ta mee er n’immeeaght kiongoyrt rhyt ayns ynrickys, as lesh cree firrinagh, as er n’yannoo shen ny ta mie ayns dty hilley. As cheayn Hezekiah dy sharroo.

Ayns ny laghyn shen va Hezekiah ching, as ayns raad y vaaish. As haink Isaiah mac Amoz huggey, as dooyrt eh rish, Myr shoh ta’n Chiarn dy ghra, Jean dty hymney; son yiow baase, cha jean oo coural.

As ver-yms gys dty laghyn queig bleeaney jeig; as livrey-ym uss, as yn ard-valley shoh, ass laue ree Assyria; as neem’s yn ard-valley y choadey er my ghraih hene, as er graih Ghavid my harvaant.