Popular Bible Verses from 1 Thessalonianee 5

Share

Gow-jee dy bragh boggey. Gow-jee padjer dy kinjagh. Ayns dagh stayd cur-jee booise: son shoh aigney Yee ayns Creest Yeesey mychione eu.

As dy jean y Jee hene dy hee shiu dy slane y chasherickey: as ta mee guee gys Jee dy bee’n slane spyrryd, as annym, as callin eu er ny reayll gyn loght, gys cheet nyn Jiarn Yeesey Creest. Firrinagh t’eshyn ta geamagh erriu, nee myrgeddin shen y chooilleeney.

Jeeagh nagh jean veg j’iu cooilleeney olk son olk da dooinney erbee: agh dy bragh eiyr-jee er shen ta mie, chammah nyn mast’ eu hene, as rish dy chooilley ghooinney.

Shen-y-fa jean-jee gerjaghey shiu hene, as niartaghey yn derrey yeh yn jeh elley, dy jarroo myr ta shiu dy yannoo.

Nish ta shin guee erriu, vraaraghyn, cur-jee raaue dauesyn ta mee-reiltagh, jean-jee gerjaghey adsyn ta lhag-chreeagh, ymmyrk-jee lesh ny annooinee, bee-jee surransagh rish dy chooilley ghooinney.

Son cha vel Jee er phointeil shin gys corree; agh dy chosney saualtys liorish nyn Jiarn Yeesey Creest

Ta shiuish ooilley cloan y toilshey, as cloan y laa: cha vel shinyn jeh’n oie, ny jeh’n dorraghys.