Popular Bible Verses from 1 Reeaghyn 3

Share

Cur er-y-fa shen da dty harvaant cree tushtagh, dy vriwnys dty phobble, dy voddym cronnaghey eddyr mie as sie: son quoi ta abyl dy vriwnys ad shoh dty phobble ta cha earrooagh?

Cur-my-ner, ta mee er n’yannoo cordail rish dty ghoan: jeeagh, ta mee er choyrt dhyt cree creeney as tushtagh, myr shen nagh row unnane erbee roish dty hraa casley rhyt, chamoo dty lurg nee unnane erbee troggal seose corrym rhyt.

As dooyrt Jee rish, Er-yn-oyr dy vel oo er yeearree shoh, as nagh vel oo er hirrey dhyt hene bea veayn, ny er hirrey berchys er dty hon hene, ny er hirrey bioys dty noidyn; agh er yeearree dhyt hene tushtey dy chur briwnys

As ta mee myrgeddin er choyrt dhyt shen nagh vel oo er hirrey, chammah berchys as ooashley; myr shen nagh bee unnane erbee mastey ny reeaghyn casley rhyt ooilley dty laghyn.

As my nee oo shooyl ayns my raaidyn, dy reayll my lattyssyn as my haraghyn, myr ren dty ayr David, eisht nee’m dty laghyn dy ve beayn.

Ayns Gibeon ren y Chiarn eh-hene y hoilshaghey da Solomon ayns ashlish ’syn oie: as dooyrt Jee, Shir cre ver-ym dhyt.

As nish, O Hiarn my Yee, t’ou er n’yannoo dty harvaant ny ree ayns ynnyd Ghavid my ayr: as cha vel mee agh myr lhiannoo; cha vel tushtey aym kys dy gholl magh, ny dy heet stiagh [roish y pobble shoh].

As ren y ghlare shoh yn Chiarn y wooiys, dy row Solomon er yeearree lheid y red shoh.

As dooyrt Solomon, T’ou er hoilshaghey da dty harvaant David my ayr myghin mooar, myr ren eh gimmeeaght kiongoyrt rhyt’s ayns firrinys, as ayns cairys, as ayns ynrickys cree mayrt; as t’ou uss er reayll ny chour yn chenjallys vooar shoh, dy vel oo er choyrt mac da dy hoie er e stoyl-reeoil, myr te ’sy laa t’ayn jiu.

As ta dty harvaant ayns mean dty phobble t’ou er reih; pobble mooar nagh vod ve er nyn earroo, ny coontit, t’ad whilleen.