Popular Bible Verses from 1 Reeaghyn 17

Share

Son shoh myr ta’n Chiarn Jee Israel gra, Cha jig y varrel veinney fo, chamoo nee’n saagh ooil failleil, derrey’n laa ver yn Chiarn fliaghey er y thalloo.

As dooyrt Elijah yn Tishbite, va jeh cummaltee Ghilead, rish Ahab, Myr ta’n Chiarn Jee Israel bio, eh ta mee dy hirveish, cha bee druight ny fliaghey ayn rish ny bleeantyn shoh, agh cordail rish my ghoo’s.

As dooyrt Elijah r’ee, Ny bee aggle ort; immee, as jean myr t’ou er ghra: agh jean dooys hoshiaght soddag berreen, as cur lhiat hym eh, as eisht jean er dty hon hene, as son dty vac.

As dooyrt ee, Myr ta’n Chiarn dty Yee bio, cha vel wheesh berreen aym, agh lane doarn dy veinn ayns barrel, as red beg dy ooil ayns saagh: as cur-my-ner, ta mee chaglym brasnagyn, dy voddym goll stiagh dy aarlaghey eh er my hon hene as my vac, dy vod mayd gee eh, as baase y gheddyn.

Irree, as immee royd gys Sarepta, ta bentyn gys Zidon, as fuirree ayns shen: cur-my-ner ta mee er chur sarey da ben-treoghe dy choyrt beaghey dhyt ayns shen.

As cha jagh y varrel veinney fo, chamoo ren yn saagh ooil failleil, cordail rish goo’n Chiarn, v’eh er loayrt liorish Elijah.

As hie ee ro-ee, as ren ee cordail rish raa Elijah: as ren ish, as eshyn, as e mooinjer, beaghey er ymmodee laghyn.

Er shoh dirree eh, as jimmee eh roish gys Sarepta. As tra haink eh gys giat yn ard-valley cur-my-ner, va’n ven-treoghe ayns shen chaglym brasnagyn: as deïe eh urree, as dooyrt eh, Cur lhiat hym, ta mee guee ort, red beg dy ushtey ayns saagh, dy voddym giu.

As hig eh gy-kione, dy jean oo giu ass y trooan; as ta mee er chur sarey da cummaltee Oreb dy dty veaghey ayns shen.

As myr v’ee goll dy chur lh’ee eh, deïe eh urree, as dooyrt eh, Cur lhiat hym, ta mee guee ort, greme dy arran ayns dty laue.

As hug cummaltee Oreb lhieu huggey arran as feill ’sy voghrey, as arran as feill ’syn astyr: as diu eh ass y trooan.

As haink eh gy-kione lurg earish, dy hyrmee yn strooan seose, er-yn-oyr nagh row veg y fliaghey er ve ’sy cheer.

As dooyrt y ven rish Elijah, Nish liorish shoh ta fys aym dy vel uss dooinney dy Yee, as dy vel goo’n Chiarn ayns dty veeal’s yn irriney.

Er shoh hie eh roish, as ren eh cordail rish goo’n Chiarn: son hie eh as duirree eh liorish strooan Cherith, ta er-gerrey da Jordan.

As cheayll y Chiarn coraa Elijah, as haink yn ennal ’sy lhiannoo reesht, as ren eh aa-vioghey.