Popular Bible Verses from Ek. 20

Share

“Ndini Mambo Mwari, Mwari wako, uwo wakakubudisa kubva munyika yeEgipite, kubva kumhatso youhloko. “Usazoa nezvimwari zvimweni ngepabanze pangu.

“Usazodziitira muedzaniso wakatsetswa, nokuti muedzaniso womuemo wechiro kunyazwi ngechiri chiri mudenga ngepadera, nokuti wechiri munyika ngepashi, nokuti wechiri mumvura ngepashi penyika. Usazoigwadamira nokuti kuishandira; ngokuti inini, Mambo Mwari, Mwari wako, ndiri Mwari une ndurumwa, ndechiunzidzira kushata kwemadzibaba padera pevana, padera pomubarirwana wechitatu nowechirongomuna waavo vanondinyenya

“Remeredza baba ako namai ako, kuti mazuva ako awande munyika yaanokupa Mambo Mwari, Mwari wako.

“Karakadza zuva reSabatha kuringwarira rakachena.

“Usazoshandisa zina raMambo Mwari, Mwari wako ngenjira isina shwiro; ngokuti Mambo Mwari aazomuerengi kuti aana ndaa uwo unoshandisa zina rake ngenjira isina shwiro.

Mazuva matanhatu unozoshanda, uite mushando wako weshe. Asi zuva rechinomwe iSabatha kunaMambo Mwari, Mwari wako; ngeiro zuva usazoita mushando nokuti ngouri, iwewe, nokuti mukororo wako, nokuti mwanasikana wako, muranda wako, nokuti murandakadzi wako, nokuti n'ombe dzako, nokuti mupfumba wako, uri mukati mwemisiwo yako.

“Usazoemura mhatso yomuakirwana wako; usazoemura mukadzi womuakirwana wako, nokuti muranda wake, nokuti murandakadzi wake, nokuti kabi yake, nokuti mbongoro yake, nokuti chiro kunyazwi ngechiri chomuakirwana wako.”

“Usazoita uchapupu hwokunyepa kumuakirwana wako.

“Usazoomba.

“Usazouraya.

“Usazoba.