Popular Bible Verses from ፆኦሲ ማዾ''ም ዳኪንቴዞንሢኮ ማዾ'' 5

Share

ጴፂሮሴንታ ዒዛና ዎላ'' ዓኣ ዳኪንቴዞንሢንታ ማሓዖ፦ «ዓሲም ዓይሢንቲሢፓ ፆኦሲም ዓይሢንቲሢ ኑና ኮይሳኔ፤

ቢያ ኬሊ'' ጌኤዦ ማኣሮና ዓሶኮ ማኣሮናይዳ ሜሲሔ ማዔ፥ ዬሱሴ ዛሎ'' ኬኤዚፆንታ ኮዦ ሓይሶ ኬኤዚፆዋ ዔያታ ሓሺ''ባኣሴ።

ጴፂሮሴ ጋዓንቴ ዒዛም፦ «ሓናኒያ! ዓያኖ ጌኤዦም ኔ ሉኡቃንዳጉዲ ሓሣ ሳዖ ኔ ሻንቼ ሚኢሾኮ ዛሎ'' ፓቂ ዓይሳንዳጉዲ ማዼ ፃላሄ ዒና'' ኔኤኮ ዓይጋ ጌሌይ? ኔኤኒ ሳዖ ሻንቺባኣንቴ ቤርታ ኔኤሮቱዓዳ? ሓሣ ኔ ሻንቼስካፓ ሚኢሻ ኔኤሮቱዋይ? ሂዳዖ ሓያ ባኮ ዓይጋ ኔ ዒኖና ማሌይ? ኔ ሉኡቄሢ ፆኦሲም ማዓንዳኣፓዓቴም ዓሲምቱዋሴ» ጌዔኔ። ሓናኒያ ዬያ ዋዋይዛዖ ሎኦሚ ሓይቄኔ፤ ዬኖ ባኮ ዋይዜ ዓሳ ቢያ ኮሺ'' ዒጊጬኔ።

ዬያሮ ሓሢ ታ ዒንሢም ጋዓሢ ሓንሢ ዓሶንሢዳፓ ሓኪ ዒንሢ ዔያቶ ሃሻ''ንዳጉዲኬ፤ ዓይጎሮ ጌዔቶ ሓይ ማሊፃ ሓሣ ሃይ ማዻ'' ዓሲፓ ሙኬያታቶ ባይቃንዳኔ፤ ፆኦሲፓ ሙኬያ ማዔቶ ጋዓንቴ ዔያቶ ዒንሢ ባይዛኒ ዳንዳዑዋሴ፤ ፔቶ'' ዬይ ዒንሢኮ ፆኦሲና ዎላ'' ፑርቲሢ ማዓንዳኔ» ጋዓዛ፥ ዔያታ ጌማሊያሌኮ ዞሮ'' ዋይዚ ዔኬኔ።