Popular Bible Verses from 'Make 14

Share

:Yee' or 'da, 'On-ba:, :on 'beh-dih: deh⧾-a' klehkpeh-a' no-a' 'weh. :Za 'on 'kle 'ye-eh-a' 'korbuh :daa 'kwa. Eh :se 'an ken dih 'worn-dih-deh:, jorwor: :an-a' ken dih 'worn-dih-deh:, eh-: 'ye 'dlu bo mu.

A 'dhu-eh 'yli-eh bo. A :wlu 'de Nyorsoa bo, 'de dih 'dhen-eh :ne-' a gla :za. :Porluh 'worn-dih-eh ken dih 'weh, jorwor: yau se 'kpih ken :ne.

Dhih 'jeh, 'an zela a :gwluhuh', :dha klehkpeh Nyorsoa-a' tubo-wlu:⧾ 'jeh-a mu-a :po-dih-eh dha yao 'zorn-a' klehkpeh, deh 'nynor :daa or no-a, eh mu-' :za-eh:, 'do or-a' dhih-a' :gwluhuh' bo :po-dih-eh bo.

:Yee' or zela-uh :gwluhuh', or 'dae:, 'An :porluh-a' 'worn dih 'beh-dih-eh: :daa, eh 'bhorn eh 'ye 'on 'dba. A :sie: :daa. :Yee' a 'dhu-eh 'yli-eh bo.

:Yeh an di-a deh, :yee' :Yusu' 'duo: 'bhlee: :kpuan'-' 'weh, or po Nyorsoa-a' 'zio 'do eh bo, 'de or :chehn-dih-eh dih, 'de or 'kwa, or 'nyi-eh or-a'a: bo :na-nyor⧾, or 'da, A 'duo-eh'. 'Bhlee: :daa, eh-: 'dhu 'an yau-'.

:Yee' or 'duo: 'korbuh :on 'yi-a 'glee-nomor 'di 'weh, 'de or po Nyorsoa-a' 'zio, or 'nyi-uh, 'de an-a' klehkpeh, on 'na 'glee-nomor :or :ne-a 'de on 'di. :Yee' or 'da, 'An nyomor :or mu-a dih 'wla-: 'do nyor⧾ :dhulu' bo, :or po-a kuo 'kpih ken, 'do a mor-: 'dekorn: Nyorsoa-: 'nyne bo, or-: 'o, :or :dhe dih.

:Yeh an mu-a, :yee' :Yusu' :wlu-' 'de on bo, or 'dae:, A-a' klehkpeh, a mu 'on 'de dih :gba. Deh no-eh, eh 'chle-eh:-' 'de Nyorsoa-a' 'chlee-deh 'di, or 'da, 'An mu 'blae'⧾-a' 'yli-eh bo 'dhu-nyor 'dba-:. :Mor 'on 'dba-or, :yee' 'blae'⧾-a mu dih :gba.

A :sorn-', :a 'ye mu. A :gbee'e:. 'Yu :or mu-a 'on nyor⧾ bo :plo-dih:, or-: :ne 'o :dha 'o, :or 'yle.

'De :Yusu' 'dae: 'de or bo, Dhih 'jeh, 'an zela :on :gwluhuh', :mor :soan'-beor 'ye zlo-a' kpor⧾ 'sororn' no, 'gwior :yor :daa, :an mu 'an dhih-' dhobo:, :on 'ye kpor⧾ taan no.