Popular Bible Verses from O waamulha 6

Share

Nnepa wa Apwiiya Nlhuku nkawaakhumelhelha, nkaweerelha wiira, “Apwiiya Nlhuku ari vamoka ni inyuva, inyu o wooria waatakana ikhoto va.”

Apwiiya Nlhuku nkayaarukunuwelha ni weerelha wiira, “Nrweeke wo ikuru irina inyu, mwookolhe attu o Uisraeli ukhuma wa attu o Umidiani. Phi mii kinourumani.”

Ni Apwiiya Nlhuku nkayaakhulha wo wiira, “Kinowoorihani, ni inyu nnowaarimeelhiha attu o Umidiani thoko nnonrimeelhiha ntu mmoka.”

Nagidioni nkayaakhulha wo wiira, “Inyu Athithi aka, yakhalhaka Apwiiya Nlhuku ari vamoka ni hii, woonaka chittu chonkhaye chilha chihonipatta? Chiri vayi mitheko chaya cho ushangiha chaanihimeria aya manyaashulhupalhe ihu, yeeraka wiira, ‘Apwiiya Nlhuku phi nikuminhe wiilhaponi Umisri.’ Nansho vano Apwiiya Nlhuku ahoniriha ni unihelha mmiononi mwa attu o Umidiani!”

Nagidioni nkayaakulha yiiraka, “Paahi Thithi, kinohalha wooria chani wookholha attu o Uisraeli? Nihimo naka phi nihimo no uhuperiacha upwaha mahimo onkhaye o nikosho ni Namanase, ni mi kimwanene phi mwankani chinene umbumbani wihu uwo!”

Nnepa o wiirimu wa Apwiiya Nlhuku nkaarwa Uofra, nkonkoma wuuthi mwiri muulhupalhe u Nayoashi, ntu o Uebiezeri. Nagidioni anaaya Nayoashi ayo, ari eepettaka ingaano munlhikitini mwo waamelha izabibu wiira ahooniye ni attu o Umidiani.

Paahi Nagidioni nkayaathekelha Apwiiya Nlhuku madhubahu wowo ni wiihana, “Apwiiya Nlhuku phi nowiha mpuha.” Eiyo, yayo madhubahu ayo arii wowo Uofra uwo, iwani ya Abiezeri, mpaka nna.

Nagidioni nkayaakhulha, “Paahi yakhalhaka kihopata nipesha uwaninyu, nkooniheke etu ithikineha kichuwelheke wiira wo ikekhiaye phi inyu nnoolhumacha ni mii.

Nansho Apwiiya Nlhuku nkeera wiira, “Mpuha ukhalhe ni inyu. Nhoove khannokhwa.”

Yamalheke, attu o Uisraeli ahowonya tho umihoolho wa Apwiiya Nlhuku ni ayo nkaahiya, nkayaakottolhiya ni utawariya ni attu o Umidiani iyaakha saba.