Popular Bible Verses from Uchokholha 49

Share

Ntonto wo umwene khunowa waathama u Nayuda, mena ikopo yo utawarelha khinowa yaathama vamietoni waya. Mpaka vanohalha aya uwa ulhe ri mwanene ulhe, nohalha urumelhelhiya ni makosho onkhaye ulhe.

“Nayusufu ari thoko mwiri wo wimma, mwiri umenlhe vanraponi, maritta aya anovira vachulhu ishiri. Anamiupa ahomwaanana chinene nkayammwonyera miupa ni unthemwiha venchi.

Nansho muura ni muupa aya bado uri wo machiri, ni miono chaya chihovahiya machiri, wo wooria wa Nlhuku O Machiri a Nayakhobo, wo nchina no Nshunga, Mwalha o Israeli. Nlhuku a athumwaninyu okavihereni, Nlhuku o Machiri ovahekeni ibarakha mpatte ibarakha cho urupelhiya ipulha yo ukhuma uchulhu wiirimu, ibarakha cho milhiwi cho maashi cho wiisha chinene, ibarakha cho manyoopani waayara ashaana enchi ni cho mihuwo uyara chinene

“Inyuva Nayuda, nnoototopelhiya ni achihima inyu. Nnoowa mwaama vammilho amalhaponi inyu. Ashunninyu anowa uworomelhani. Inyuva Nayuda, anaaka, nri thoko mwaakharamu, thoko kharamu o vara, wenlhe nchulhu, Nneechokolha thoko kharamu rumpe vathi. Khaawo ntu nooria ummusha.

“Narobeni inyuva phi nttara naka, machiri aka uchokholha no mwiiruttuni mwaka, inyuva phi thepilhe ikuru ni machiri wa achihima inyu. Inyuva nri thoko maashi o uvilhuwa, Nansho khannokhalha tho mulhupalhe, ukhalhawaya mwahowelha vankorini waka, eiyo, nhonyalhiha nkori aka!”