Popular Bible Verses from Uchokholha 27

Share

Nlhuku omichereni ukame wo wiirimu, ovaheni ittaya yo chaayira, choolhia ni idivai yinchi. Attu o makosho onkhaye avareke ntheko inyu, ni ilhapo chukhoromelheni ni uthimichani. Mwaataware ashihima inyu, achishaana ashilhopwana a anumwaninyu oworomelhekeni, othimicheni. Kila noulhavani, alhaviyeke mwanene, kila nouvahani ibarakha, avahiyeke ibarakha!”

Naesau nkayeera, “Phi nlhatu etu nineehaniya awe Yakhobo! Hokithepiacha velhi. Achokhonlhe ukusha uyulhupalhe aka wo ukhalha mwaana o nttara, ni vano hokusha ibarakha chaka.” Eera chiicho, ukhalhawaya nchina na Yakhobo maana aya, “Ntu o woothacha.” Paahi nkayaakoha athumwanaya ayo, “Chani khankihalhihenlhe ibarakha iriyoothe?”

Paahi Naisaka, athumwanaya, nkayeera, “Mapuro awo anowa ukhalha utayi uhiri ichayira, utayi uhinomicheriya ukame wo wiirimu. “Unohalha ukhalha wo ukhulhuvelha uphanga wao, Unoorumiya mitheko ni nhima awo, nansho vanohalha awo ukulhuphuwa vawo, unowa wuntha nikonkwa no vashikoni wao.”

Naesau nkayeerelha athumwanaya, “Ana kwaani thithi mwaarini ibarakha imoka yeyo tu? Nkivaheke ni mii ibarakha thithi!” Nkayonlha ikutto yulhupalhe.