Popular Bible Verses from Uttawa 6

Share

Paahi etu, mwaahimerieke Aisraeli wiira, ‘Mii Apwiiya Nlhuku! Kinowookholha ukhuma upottani wa attu o Umisri. Kinowookolha moono aka urii wo machiri ni waatwarusha chinene attu o Umisri, ni uwoopolhani mwaattiva.

Kinoupangani ukhalha attu aka, ni mii kinookhalha Nlhuku inyu. Ni inyu nnowa uchuwelha wiira mii phi Apwiiya Nlhuku inyu, kuukumihilheni upottani mwa attu o Umisri.

Ni mii kinourwehani ilhapo ilhe yaavahilhe aka Aburahimu, Naisaka ni Nayakhobo. Kinouvahani yeyo ilhapo iyo ikhalhe yawinyu. Mii phi Apwiiya Nlhuku kaalhehilhe.’ ” Ashinna Musa nkayeerelha Aisraeli yayo malhove ayo. Nansho manyaattu ayo khayewelhenlhe ukhalhawaya mirima chaya chahokhwa wo nlhatu wo upangihiya ntheko wo ipotta.

Nansho Apwiiya Nlhuku nkayaakhulha ashinna Musa wo wiira, “Vano nnowoona chinohalha aka waapanga Nafarao. Ukhalhawaya wo moono aka wo machiri anowaahiyerera attu aka wiira athamache. Eiyo, wo machiri anowoomolha Aisraeli athamache mwiilhaponi mwaya.”