Popular Bible Verses from Uttawa 20

Share

“Mii phi Apwiiya Nlhuku inyu, kuthaminheni ilhapo yo Umisri, waari inyu ipotta. “Nhikhalhe ni milhuku chikina kaahikhalhe mii vekha.

“Nhikooroshe isinyago iriyoothe yo milhuku cho woothiya, ama isinyago iriyoothe irii wiirimu, mwiilhaponi ama mmaashini wuuthi ilhapo. Nhikhoromelhe ama ukavihera ntheko aya, ukhalhawaya mii Apwiiya Nlhuku inyu, phi Nlhuku o ihache. Kinowaatwarusha achishaana wo nlhatu no uhilhoka wa manyaathumwanaya, ata mpaka iyari cho neraru ni cho nechenshe cho yayo ahinokittuna ayo.

“Mwaathimicheke athumwaninyu ni anumwaninyu, wiira nlhokelhe mahuku o uhimalha mwiilhaphoni kinouvahakani mii Apwiiya Nlhuku inyu.

“Nhilhiyalhe uvarechesha Nihuku no Wiittuwa, ni upanga nihuku nitakatifu.

“Nhiromolhe wo uhikhalha ni maana nchina naka mii Apwiiya Nlhuku inyu. Ukhalhawaya mii Apwiiya Nlhuku akinohiya untwarusha nohalha uromolha nchina naka pufia.

Nvareke ntheko mahuku sita, ni upanga chittu chinyu chonkhaye. Nansho nihuku no saba phi Nihuku no Wiittuwa na Apwiiya Nlhuku inyu. Nenno nihuku nno nhivare ntheko uriyoothe, inyuva ama mwaamwaninyu mwanlhopwana ama mwanthiyana ama ipotta inyu ama anamitheko inyu ashithiyana ama ashinama inyu ohuwiya ama nlheto rii uwannyu.

“Nhimirielhe ishenye inupa ya amwaatamana inyu ama ahanu awe ama namitheko awe nlhopwana ama nthiyana ama ing'ope awe ama iphuta awe ama ittu iriyoothe ya amwaatamana inyu.”

“Nhimootherie namwaatana inyu.

“Nhilhuve.

“Nhiive.

“Nhiiye ittu iriyoothe.