Popular Bible Verses from Itorati 8

Share

Muupuwelheke wiira, Apwiiya Nlhuku inyu, phi nowoorihani upatta nhakhu. Anopanga chiicho wo nlhatu no uhimiechesha malhehano aapannge aya ni manyaapwiiya inyu mpaka lhelho va.

Ahoupangani wiira mwiitimarikhe, nkoohiyani wiira mmwolhiye ithalha, ni kaanyuma aya ahoovahani imana wiira nlhieke, yoolhia yaari inyu nhichuwelhaka, mena manyaapwiiya inyu khayaachuwenlhe. Enre chiicho wiira owiittuchiheni wiira, Ntu khanolhama wo nkatte vekha, nansho wo nlhove ninohimiya ni Nlhuku.

Muupuwelheke chenre aya Apwiiya Nlhuku inyu, wo uholhelhani nkwaha wo urekama ulhe, vaavira inyu uthakoni iyaakha makhumi ncheshe, wiira otimarihekeni ni ulhikachani wiira achuwelhe choopuwelha inyu mmamirimani mwinyu, ni yakhalhaka mwanvarechesha malhehero aya, ama kuhiwe.

Paahi etu, mwiishungeke, nhiwe mweeracha mmamirimani mwinyu wiira, ‘Nipantte nhakhu wo wooria ni machiri ihu naashinene.’

“Mwoonechesheke wiira, khannaalhiyalha Apwiiya Nlhuku inyu, wo uhiya uvarechesha iamuri chaya, ikano chaya ni malhehero aya, anolhehera aka uwannyu lhelho alha.

Ni vavawo, muupuwelheke wiira, Apwiiya Nlhuku inyu, anowookolhani thoko naangoro chinomwookolha awe mwaamwanawe.

Nnokoolhia ni urupalhacha, ni nnokowaashukuru Apwiiya Nlhuku inyu, wo ilhapo yorera anouvaha ayani.

Paahi etu, nvarechesheke iamuri cha Apwiiya Nlhuku inyu, wiira nttware iphiro chaya ni waathimicha yayo.

Tho, phi yayo olhinheni imana uthakoni, yolhia manyaapwiiya inyu yahaachuwenlhe aya. Enre yayo onkhaye wiira, otimarihekeni ni ulhikachani, ophimeni, awe oovahani moombone vanomalhelha aya.

Mwalhiaka ni urupalha, nkamwaathekacha manupa orera, ni ukhalha mwommo, ni ikatema ing'ope ni ikhondoro chinyu, idhahabu ni isiliva chinyu ni kila ittu irina inyu vanohalha aya wunchereria, nhikelhiye itiyamaru ni waalhiyalha Apwiiya Nlhuku inyu, othamihilheni ukhuma ilhapo yo Umisri, waari inyu ipotta.

Apwiiya Nlhuku inyu, anouwiihani urii ilhapo yorera, ilhapo yo mashepa ni marapo, yo maashi anokhuma umiakoni ni umakooteni, ilhapo unolhimiya ingaano ni ishayiri, izabibu, ikhuyu, ikomamanga, izeituni ni waakiya urawo. Wowo nnokoopatta choolhia chinchi, ni mena khannowukuwelhiya ittu. Mialha chaya cho iyuuma, ni umiakoni waya nnowooria uthipa ishaaba.

“Nttwareke iamuri chonkhaye chinouvahaakani lhelho chilha, nttwareke rata wiira nkhalhe akumi ni wunchereria, wiira mwakelhe ni ukhalhelha ilhapo inouvaha ayani Apwiiya Nlhuku inyu, yaalhenhe aya manyaapwiiya inyu wiira anowaavaha.

Chechiyo iyaakha makhumi ncheshe chiyo, ikuwo chinyu khachaathakhanlhe, mena mieto chinyu khacheepilhe.

Phi yayo oholhenlheni uthako muulhupalhe wo woopiha ulhe, wo inwaa cho uhapalha ni makharang'andha, ilhapo yo nttona no maashi ilhe, ahoukumiherani maashi ukhuma vamwalhani.