Popular Bible Verses from Mazimuriyaa 146

Share

Yaak'ooba S'oossay maaddiyaa uraynne Med'inaa Godaa bare S'oossaa barew hidootaa ootsiyaa uray, anjjetteeddawaa.

Asay ashshanaw danddayenna diraw, asaa kaappatuwaan ammanettoppite.

I naak'etteeddawanttoo pirddiyaawaa; koshateeddawanttoo k'umaa immiyaawaa. Med'inaa Goday k'ashetteeddawantta billee; Med'inaa Goday k'ook'etuwaa s'eelissee. Med'inaa Goday kunddeeddawantta dentsee; Med'inaa Goday s'illotuwaa siik'ee.

Med'inaa Goday saluwaanne sa'aa, wolk'k'aama abbaanne Aa giddon de'iyaawaa ubbaa, med'd'eeddawaa; I med'inawukka ammanettiyaawaa.

Med'inaa Goday betetuwaa naagee. Am"etuwaanne aawuu bayinna naanatuwaa maaddee; shin iitatuwaa ogiyaa baletsee.