Popular Bible Verses from Kuusan Fasavatan 22

Share

Nenia, ne Elfa e ne Omega, ne Tangpat e ne Taxapusan, ne Paamua e ne Fataxapiak.

“Faxatang! Nenia, ne taa savat fa'ipul e maana mo siak taxa waan xuvul paga. Ne taa tavai a maana rabuna xapiak pana mo fexaxaas sena vilaana siri saxa saxa.

A Vovau Xaradak e a tefin fa'ui ina tamaian, re kuus, “Filimaan!” E nari aava ri langai faroxo, nari sait ri kuus, “Filimaan!” Nase' ta mataa a ma'iu, nane fexaxaas sena filimaan xena siak xatam a raarum ina toyan. Nase' ta mataa a vubuk filimaan, a roxo move, i taa filimaan.

“Nari aava ri xamak a marapi siri, ri taa faamamaas. Senaso ri fexaxaas sena laak la matana yalaxau ina Bina e laak lana Bina Lava e ri taa murul a xalana Wai Ina Toyan lana.

“Faxatang! Nenia, ne taa savat fa'ipul! A mataa aava usi fatak a maana ferawaian lana buuk aanabe' i taa faamamaas.”

A suk taa pife savat fulaa. E a rabuna pave ri taa pife lamon pana laam o malang ina ngaas senaso Piran, nane xa i taa fapaanaas a bina siri. E ri taa paamuian a rabuna vulai, vulai.

Nane aava kuus o a maana mo aanabe' a fatak, nane taxa kuus malaan, “Tuuna, nenia, ne taa savat fa'ipul!” “A tuuna! Filimaan, Memai Yesus.” Nenia, ne vubuk o a xakaavangan xatam sina Memai Yesus i taa waan xuluna mu rabuna sina Piran. A tuuna paaliu; pevoxo!

Ne fasei nami aava mi langai a ferawaian ina kuus fatuxai lana buuk aanabe': tamo ta mataa taa timin a ferawaian patak xuvul pana, a Piran taa tavaie pana mu giisan lava aava buuk aanabe' fo kuusane. E vaxa, tamo ta mataa taa vis tapin a saxanu ferawaian ina kuus fatuxai lana buuk aanabe' a Piran taa siak tapin a nobina sina ina laaxan xe lana Bina Taap e i taa pife murul a xalana Wai Ina Toyan aava fo kuusanan lana buuk aanabe'.