Popular Bible Verses from Rom 5

Share

Na leune kie sai leesie uri tolahana God e tohungei aaopa mwaanie mo iinoni, aana ikie mo iinoni, nga iini saꞌa mwaꞌe-mwaꞌe ike huni mae honotana nga iinoni kohi. Wa ohe nga iini e sai mwaꞌe-mwaꞌe taane huni mae honotana nga tohungei iinoni diana. Taꞌe a God oto e tohungei haataꞌi diana aana manata-diananga ingeie hunikie, aana a Kraes e mae honotaka maꞌalana kie iiꞌo ue aana tala ni oorahaꞌaa.

Na norutoꞌonga ikie ngeena e saꞌa da ike hunie kie ke talei maa-maaꞌoohi mola mwaakule. Aana a God e haataꞌinie oto manata-diananga ingeie hunikie aana e uusungeꞌinie mai Liꞌoa Maaꞌi hunikie.

Na kie ko ilenimwaꞌe noꞌone haahie mo aasanga ko reꞌu-reꞌusikie i tehulaꞌana kie ko lulu i sulie a Kraes, aana kie saie oto uri mo aasanga urine nge ko da hunie kie ke uure aꞌailaꞌa loꞌu liutaa. Na maholo kie ko lae peꞌi uure maꞌutaꞌa urine, e haataꞌinie uri tolahaka e tohungei diana. Na aana tolahaka e tohungei diana urine mone, nge kie sai norutoꞌo aana haiholotaꞌinge a God.

Oto aana haꞌa-oodohilaka e lae oto urine i sulie hiiwalaimolinge ikie aana God, nge kie ko iiꞌo ni henuelama oto peꞌie a God. Walu ola urine e rau mola hunikie i tehulaꞌana a Jisas Kraes Aalaha ikie, aana ingeie mone e si da kie ko saie hahuꞌana manata-diananga a God nge kie iiꞌo i lalo aana siꞌiri. Na kie ko tohungei ilenimwaꞌe oto aana kie norutoꞌo mola uri kie kei iiꞌo ruru peꞌie a God aana manikuluhaꞌana.

Aana tohungana maholo a God e lio hilisie, nge a Kraes e mae huni peꞌikie mo iinoni oorahaꞌaala huni lulu i sulie a God, aana kie kaꞌa sai peꞌikie ike maraaka urine.

Oto aena aana apune a Kraes e haꞌa-oodohikie oto i maana God, nge kie sai diana aana oto liutaa uri maholo a God kei haataꞌinie saewasunge ingeie hunie kira oorahaꞌaala aana dinge ni leinge, taꞌe aana maholona a Kraes kei tohungei leuhikie ni otona.

Iau, i tehulaꞌana taꞌa-taꞌa iinoni e haitohea God, nge ahutana mwala e neꞌi iinoni oorahaꞌaa oto. Na e urine noꞌone loꞌu, aana taꞌa-taꞌa iinoni e tola i sulie a God, oto ahutana mwala kire sai neꞌi iinoni oodotaꞌi oto i maana God.

Na ngaeta leu loꞌu sapeitana walu ola ngeena, nge kie ko tohungei ilenimwaꞌe oto hiitoꞌo aana a Jisas Kraes Aalaha ikie e asuie oto haꞌimalahunanga ngeena hunikie peꞌie a God.