Popular Bible Verses from Rom 13

Share

Taꞌe omu ke toliꞌaasie Aalaha ikie a Jisas Kraes ke naꞌomiu, na omu ke tola i sulie aana taꞌena nga ola omu ko euꞌesuie. Na omu ke suꞌuri neꞌi-neꞌisae aakau hunie omu ke haꞌa-oaie nga mei heri-huninge aaela aana sape.

Omu ke suꞌu mangoa ahutana mo kaoni nge mwala kire toliꞌaasiꞌi huniꞌomu. Taꞌe taꞌa-taꞌa mei ola mola ke iiꞌo tarau hunie omu ke suꞌue hunie taꞌena nga iini, nge manata-diananga ni otona. Aena aana taꞌena nga iini ko manata diana hunie mwala, ingeie ko haꞌa-oaie oto ahutana mo Haꞌatolanga a God.

Ahutana mwala ke mani totola i sulie oto mo naꞌohai mwane aana kahamani, aena aana nga taꞌa-taꞌa iini e saꞌa toꞌo aana ike nanamanga huni lio i sulie mwala, na a God e kaꞌa toliꞌaasie hunie. Oto mo naꞌohai mwane ngeena, mwala a God e neꞌire oto huni lio i sulie mwala ni ngeena.

!Ko dengi oto! Oto kie ke toliꞌaasie oto mo tolahai ola aaela aana rodohono, na aana ikie oto mo iinoni aana matapwanga, nge kie ke hele aana loꞌu mo tolahai ola diana mala ikire oto mo reisinge ikie honosie rodohono.

Iinoni e manata diana hunie mwala, e kaꞌa sai da ike nga mei ola huni waelire. Aena urine, nge manata-diananga oto tala huni haꞌa-oaie mo Haꞌatolanga a God.

Oto omu ke niie walu ola mo haꞌatolanga e unue mwala ke niiꞌi hunie kahamani. Omu ke wili oto hunire aani niilana mo maai toꞌoha hai aaopaꞌi, na omu ke haꞌapainaꞌaa mo naꞌohai mwane ngeena peꞌie haꞌamaꞌunge aada.