Popular Bible Verses from Epesas 5

Share

Mala mo mwela ko heimaanie mo aamada, nge iꞌomu noꞌone omu ke haimaanie Aamamiu i Lengi, nge e tohungei manata diana hiitoꞌo huniꞌomu. Manata-diananga oto ke paine i laona mau-meuringe iꞌomu, mala a Kraes e manata diana hunikie na e toliꞌaasie maraana hunie ke mae honotaka. Maenga ingeie hunikie e urihana nga uunu-olanga huni taꞌaasie oorahaꞌaa ikie, na a God e ilenimwaꞌe oto liutaa haahie, mala iinoni ko ilenimwaꞌe haahie dango wau-wesu nge e tohungei wesu mangoni.

Oto omu ke lio talamiu aana iiꞌonga iꞌomu. Omu ke suꞌuri oꞌoꞌo oto mola mala mwala e puꞌosasu, taꞌe omu ke iiꞌo oto mala mwala e saenanau. Omu ke asu diana aana ahutana mo kele maholoi sato omu toꞌo aani ngeena, aena aana maholo ienini, maholo oto aana aaelanga ni ngeena.

Mwaanie omu haꞌapweuꞌomu aana wai ni pweunge, ola e sai waeliꞌomu, taꞌe omu ke honu mola aana Liꞌoa Maaꞌi. Urine maholo omu ko meni loko tararuru, omu ke haꞌasusue saemiu heiliu aana omu ko kanalie mo kana maaꞌi, na mo kana ni lahenga, na mo kana nge Liꞌoa Maaꞌi e niiꞌi mei. Na omu ke kana noꞌone ni lahea Aalaha aana ahutana saemiu. Na omu ke paalahea God Mamaꞌa tarau haahie taꞌena nga ola aana satana Aalaha ikie a Jisas Kraes.

Omu ke suꞌuri pweu, taꞌe omu ke lio saie nga taa nge a Aalaha e saetoꞌo aana omu ke asuie.

Iꞌomu mo poro, omu ke manata diana hunie mo huꞌe iꞌomu oto mala a Kraes e manata diana hunie soihaadaꞌinge. Aana e urine kaꞌu, a Kraes e toliꞌaasie maraana hunie ke mae huni peꞌie soihaadaꞌinge

Holaꞌinaꞌo iꞌomu maraamiu omu oꞌoꞌo kaꞌu noꞌone i laona rodohono, taꞌe aena aana omu neꞌi iinoni oto a Aalaha, oto omu iiꞌo oto i laona raa-raa. Oto omu ke dau diana oto mala mwela aana raa-raa

Na loꞌu aena aana omu meni neꞌisae paine aana Kraes, nge omu ke mani deu-deu i sulie neꞌisaenga iꞌomu heiliu oto noꞌone.

Iꞌomu mo huꞌe, omu ke dau i sulie neꞌisaenga mo poro iꞌomu oto mala omu sai deu i sulie neꞌisaenga Aalaha ikie.

Taꞌe mo wala ngeena e uure noꞌone huniꞌomu. Oto taꞌe-taꞌena nga poro ke manata diana hunie huꞌe ingeie mala ko manata diana hunie sapena maraana, na taꞌe-taꞌena nga huꞌe ke haꞌamaꞌu aana poro ingeie.

Leune e sada peꞌie nga taa mo Uusu-uusu Maaꞌi e unue uuri, Mwane ke oopa oto mwaanie aamana na nikana, na ke iiꞌo ruru oto peꞌie huꞌe ingeie, na kirerue kei neꞌie oto taꞌa-taꞌa iinoni.

Omu ke suꞌuri esuie mo ola aana rodohono nge kire neꞌi ola aaela. Taꞌe omu ke haataꞌinie mola aana mwala uri tolahai ola ngeena e kaꞌa kohi ike.