Popular Bible Verses from Palonga 5

Share

Oto a Pita e ere oalana mo hurulaꞌaa e teꞌuri, “A God ni melu ko deu i sulie walana, mo iinoni haꞌike.

Na kire ko haꞌa-uusulie mwala oto tarau i laona Nume Maaꞌi Peine na i laona mo nume ikire. Na kire ko lae peꞌi houleꞌinie Tataroha Diana i sulie a Jisas uri ingeie a Kraes, a Haꞌa-uuri nge a God e haiholotaꞌinie hunie ke uusungeꞌinie mai welumalau.

Oto a Pita ko teꞌuri hunie a Ananaeas, “?Ananaeas, e ue ni o toliꞌaasie a Pwelu Eero-eero ke naꞌomu huni eeroa Liꞌoa Maaꞌi? Aana iꞌoe, o hele oorea ngaeta aapa aana mei toꞌoha nge o terie aana mei aano o haꞌaholingeꞌinie. Maholo o kaꞌa haꞌaholingeꞌinie ue mei aano ngeena, mei aano iꞌoe mola ni ngeena, na maholo o haꞌaholingeꞌinie oto, ahutana mei toꞌoha mei ola oto iꞌoe. ?Oto e ue ni o si loꞌongaꞌi huni eero loꞌu urine? Aana o kaꞌa eeroa ike mola mo iinoni, taꞌe o eeroa oto a God ni ngeena.” A Ananaeas e rongo mola urine, e ladamaꞌi hai aano na ko mae oto. Oto ahutana mwala kire rongoa leune kire ko si tohungei meꞌu oto liutaa.

Oto aena mei olana, nge no ko unue huniꞌomu uri omu ke suꞌuri esuie loꞌu nga mei ola aana mo mwane ienini, taꞌe omu ke toliꞌaasire mola. Mala uri mo ola nge kire ko esuiꞌi ngeena nga mo ola ni iinoni mola, e saꞌa tewa na kire kei mango mola. Taꞌe mala uri mo ola ngeena e uure mwaanie a God, nge e aasa hunie omu kei uure honosire. Oto omu ke si saie mola uri omu ko sare haliwala peꞌie a God.”