Popular Bible Verses from Palonga 17

Share

A God e asuie walu ola ngeena aena aana e saetoꞌo aana kie ke haitalea, na maholo kie kei heitalea, kie kei haro lio oodoie taane, aena aana e kaꞌa iiꞌo haꞌataulie ike nga iini aaka.

A God e haꞌaholaa eetana nga mwane a Adam, na mwaanie mola taꞌa-taꞌa iinoni ngeena nge a God e si esuie mo taungei iinoni hai aaopaꞌi hunie kire ke lai iiꞌosie walumalau. Na e totohoa oto mo leu hunie kire kei iiꞌo aani, na e pongie oto mauringe ikire.

Liꞌoa ngeena ingeie oto God nge e haꞌaholaa walumalau na ahutana mo ola i lalo aana, na ingeie nge e aalaha haahie i Lengi na mai aano. Oto e kaꞌa oꞌoꞌo ike i laona mo nume maaꞌi ikie mo iinoni nge kie ko euꞌesuiꞌi.

Aana e pongie oto hai dinge hunie kei leie walumalau aana, na kei leie mwala oto i sulie nga taa e saie e oodo taꞌingelu. Na e lio hilisie oto iini nge kei leie mwala urine, na e haataꞌi diana aana oto hunie ahutana mwala aana e taꞌea kaꞌu iinine mwaanie maenga.”

Oto aena a God e niie mauringe hunikie mala mo mwela ingeie, nge kie ke suꞌuri neꞌi-neꞌisae uri a God nga ola kie sai eedumie mola aani kol wa aani siliva wa aani heu. Aana a God e kaꞌa urihana ike ola nge nimana iinoni wa saenanaunge iinoni e sai esuie.