Popular Bible Verses from 1 Korinit 13

Share

Iinoni e manata diana hunie mwala e toli rako na ko esuie mei sae malumu hunie iinoni. E aasa kei heotaꞌi, wa kei toohaꞌi, wa ke ere paine i sulie maraana. Manata-diananga e kaꞌa ola ike huni haꞌamasaa ngaeta iinoni, wa huni loꞌongaꞌinie maraana, wa huni loohaꞌi roroꞌanga, wa huni saewasu oto mola lau-leu.

Iinoni e manata diana hunie mwala e sai lae taraꞌasi mola maꞌalana nga taa ko reu. Kei hiiwalaimoli, na kei maaꞌoohi susutoꞌo, na kei esu susuleꞌi oto mola.

Manata-diananga e kaꞌa sae-saediana ike haahie aaelanga, taꞌe ko sae-saediana tararuru peꞌie walaimolinge.

Na e oolu mei ola e iiꞌo huu oto ie—hiiwalaimolinge, na maaꞌoohinge susutoꞌo, na manata-diananga. Taꞌe manata-diananga oto naꞌohana e oolu mei ola ngeena.

Manata-diananga e saꞌa suu ike oto ooꞌoo. Taꞌe mala mo niinge aani unu tahangaꞌinilana walana a God, mo ola kei haro eiꞌaa mola. Maꞌalana mo niinge ni erenga aani wala hai aaopaꞌi, mo ola kei haro mango mola. Maꞌalana mo niinge ni saenanaunge i sulie nga mei taa, taꞌe kire kei haro mango noꞌone mola.

Maꞌalana uri ne ke talei ere-ere loꞌu aani erenga hai aaopaꞌi mo iinoni na aana erenga mo ensel, taꞌe manata-diananga e kaꞌa iiꞌo aaku, erenga ineu e urihana mola aahuri ko eꞌengo wa pelo ko ngara-ngara.

Na maꞌalana nou sai unu tahangaꞌinie walana a God, wa maꞌalana ne ke saenanau loꞌu aana taꞌena nga ola mumuni, wa maꞌalana uri hiiwalaimolinge ineu ke susu huni lidue mo toloi henue, taꞌe nou kaꞌa toꞌo aana manata-diananga, ineu iinoni mwaakule mola ni ngeena.

Maꞌalana uri ne ke nii mangoa loꞌu toꞌo-toꞌolaku huni peꞌie kira maitale, wa maꞌalana uri no ke toliꞌaasie loꞌu sapeku hunie mo maelonga ke aasieu i laona dunge, taꞌe manata-diananga e kaꞌa iiꞌo oto aaku, nge nou saꞌa tarie ike oto nga mei ola aani.

Maholo nou neꞌi mwela ue, erenga ineu na sai-olanga ineu na loꞌongaꞌinge ineu e urihana mola kele mwela mwai-mwei. Taꞌe maholo nou neꞌi rato oto ie, nou kaꞌa urihana ike loꞌu kele mwela.