Popular Bible Verses from Salmos 107

*Tsochjéheni kjuasáya Itꞌéni Díos kixin jehe chꞌan la imá jína chꞌan. Nkochríxín imá tjue̱he Díos ti jeheni.

A̱ndá níxjó Díos la kuito̱he sin jína la sákjuíhya sin ti siín kjuachꞌén.

Chrochje̱héra kjuasáya Itꞌéni Díos kixin imá tjue̱he chꞌan ti jeheni la ko tja̱ko̱xi̱n chꞌan itsjé kjuaxroan ijié kixin xi̱kaha tjinki̱tsa chꞌan chojni. Kixin Díos mé tjajon chꞌan nkehe itsꞌi ti chojni tꞌenxín ìnta̱ la ko tjajon chꞌan nkehe sinie ti chojni tꞌenxín kjinta la tókje̱he sin.

Ndá chrónoéhe̱ sin Díos kixin kꞌuejó sin kjuaxikaon la Díos kjuínki̱tsa la kjua̱tse̱n chꞌan ti kjuatꞌává chónta sin, la kꞌuíxitá ti imá tji̱a̱n chjéhe xri̱nto̱, la ko ti síchriká ìnta̱ la kꞌuíxitá.

A̱ndá chrónoéhe̱ sin Díos kixin tꞌává sin la Díos kjuínki̱tsa chꞌan ti jehe sin la kjua̱tse̱n chꞌan ti kjuatꞌává chónta sin.

Imá kꞌuává sin ndá chrónoéhe̱ sin Itꞌéni Díos landá jehe chꞌan kjuínki̱tsa chꞌan sin la kjua̱tse̱n chꞌan ti kjuatꞌává kꞌuéchónta sin.

A̱ndá chrónoéhe̱ sin Díos kixin kꞌuává sin la jehe chꞌan kjuínki̱tsa chꞌan ti jehe sin la kjua̱tse̱n chꞌan ti kjuatꞌává chónta sin.